حامد میر

حامد میر
جیون:	23 جولائی 1966 لعور، پاکستان
کم :	صحافی
گن:	ایڈیٹر جیو
ویب سائٹ :	[۱] Archived 2017-06-10 at the وے بیک مشین

حامد میر پاکستانی صحافی تے لکھاری نیں۔ اوہ جیو چینل تے اسلام آباد توں شام نوں سیاست بارے پروگرام کیپیٹل ٹاک کردے نیں۔ 2007 چ جنرل پرویز مشرف نے اوناں نوں ٹی وی تے کم کرن توں روک دتا۔ اے روک جون 2008 چ وی پیپلزپارٹی دی سرکار نے اوناں تے لائی۔

حامد میر 23 جولائی 1966 نوں لہور چ جمے۔ اوہ پروفیسر وارث میر دے پتر نیں۔ گورنمنٹ سنٹرل ماڈل سکول لہور توں میٹرک گورنمنٹ سائنس کالج توں انٹر گورنمنٹ کالج توں بی اے تے پنجاب یونیورسٹی توں 1989 چ ماس کمیونیکیشن چ ایم اے کیتا۔

حامد میر 1987 چ جنگ اخبار چ کم کرنا لگ گیا۔ آصف علی زرداری دی کرپشن دی خبر تے اونوں جنگ چوں کڈ دتا گیا۔ 1996 اوہ پاکستان اخبار دا ایڈیٹر لگ گیا۔1997 چ اے اخبار وی چھڈنا پیا۔25 دسمبر 1997 نون اونے آپنا اخبار اوصاف ٹوریا۔ 2002 چ حامد جیو ٹی وی چ آگیا۔

حامد میر توں 19 اپریل 2014 نوں کراچی وچ گولیاں ناں مارن دی کوشش کیتی گئی۔