جناح بیراج

جناح بیراج، پنجاب، پاکستان وچ انڈس دریا اُتے بݨے تربیلا ڈیم توں 200 کلومیٹر تھلے والے پاسے بݨیا اے، جیہڑا تھل دے علاقے وچ وگدیاں نہراں دے نظام اُتے کنٹرول رکھدا اے۔ جہلم تے انڈس دریاواں دے درمیان دے علاقے دے کچھ حصے نوں ایتھوں ای پاݨی ملدا اے۔ ایتھے 3600 میگاواٹ بجلی وی بݨدی اے۔ پہلاں برطانوی دور وچ ایتھے اک ہیڈورکس سی، جِتھوں تھل نہر مین لائن اپر نکلدی سی جو ضلع میانوالی تے ضلع خوشاب دے علاقے نوں سیراب کردی سی۔ ایہدی گنجائش 8500 کیوسکس سی۔ 1953ء توں بعد ہیڈورکس دی جگہ بیراج بنا دتا گیا، جیہدی گنجائش 6.70 ایم.اے.ایف. اے تے سجّے تے کھبّے پاسّے توں نکلدیاں نہراں نوں پاݨی فراہم کردا اے۔ سجّے پاسّے دی نہر ضلع تونسا تے ضلع ڈیرا غازی خاں دے علاقے وچ پاݨی دیندی اے۔