تھل نہر
تھل نہر، پنجاب، پاکستان دے علاقے تھل وچ اک نہر اے جیہدا مقصد اس علاقے نوں سیراب کر کے سر سبز زرعی علاقے وچ تبدیل کرنا اے۔
1919ء وچ جنگ عظیم اول توں مگروں برطانوی حکومت نے کچھ ہور منصوبےآں سمیت اک، تھل نہر دا منصوبہ وی تیار کیتا سی پَر ایہدے اُتے عملدرآمد دی نوبت نئیں آئی۔ آخرکار 16 اگست 2001 نوں صدر جنرل پرویز مشرف نے تھل نہر دی تعمیر دا سنگ بنیاد رکھیا۔ اس نہر دا اک حِصہ مکمل ہو گیا اے تے باقی دی تعمیر جاری اے۔
ایہ نہر انڈس دریا اُتے چشما بیراج توں نِکلدی اے۔ چشما بیراج 1960ء دے انڈس طاس معاہدے توں بعد بݨایا گیا۔ تھل نہر انڈس دریا دے بروبرابر چلدی اے۔ ایہ ضلع خوشاب، ضلع بھکھر، ضلع لئیا تے آلے دوآلے دے علاقے نوں پاݨی دیندی اے۔ ایہدیاں بہت ساریاں ڈسٹری بیوٹریز (شاخاں) نیں، جیہڑیاں تونسا پنجند لنک نہر تک چلیاں جاندیاں نیں۔ اس نہر دے بݨݨ نال جہلم دریا تے انڈس دریا دے درمیان وچ واقع صحرائے تھل لہندے علاقے نوں کافی فائدا ہویا اے تے لوکاں دی معاشی تے سماجی ترقی ہوئی اے۔