جڑی بوٹیاں
| ||||
|---|---|---|---|---|
 |
||||
| تلفظ | Ar-عشب.ogg، Be-трава.ogg | |||
| انتظامی تقسیم | ||||
| ذیلی کلاس | پودا | |||
ترمیم  | ||||
جڑی بوٹی (Herb) ایہجے پودےآں نوں کہیا جاندا اے جیہناں نوں اوہناں دی کِسے خصوصیت دی وجہ توں اہمیئت حاصل ہووے۔ ایہناں نوں کھاݨ پیݨ وچ وی ورتیا جاندا اے تے دوائیاں دے طور تے وی۔ اس توں علاوا ایہ روحانی وجوہات دی بناء تے وی اِستعمال کیتیاں جاندیاں نیں۔ جڑی بوٹیاں دا استعمال عام طور تے دوا سازی واسطے ہزاراں سالاں توں جاری اے۔ چینی طریقا علاج، جرمن علاقائی علاج، ہندوستان، عرب، قدیم امریکا وغیرا وچ جڑی بوٹیاں نوں ہزاراں سالاں توں مختلف امراض دے علاج لئی استعمال کیتا جاندا رہیا اے۔ ہزاراں سالاں توں جمع معلومات وچ ایہناں جڑی بوٹیاں دے اثرات دا علم اے، اج جدید دوا سازی لئی وی استعمال کیتیاں جا رہیاں نیں۔ بیشر جدید ادویات کسے نہ کسے جڑی بوٹی دی مدد ناݪ بݨائیاں گئیاں نیں۔ تجربا گاہاں وچ جو مصنوعی ادویات وی تیار کیتیاں جادنیاں نیں ایہناں دا بنیادی علم وی جڑی بوٹیاں دے استعمال توں ای لیا گیا اے۔ جڑی بوٹیاں دے پتے، تنے، جڑھاں ،بی تے پھݪ، پھل سبھ مختلِف مقاصد لئی استعمال ہُندے نیں۔
اِستعمال بِلحاظ قِسم
سودھوخوردنی بوٹیاں یا خوردنی نباتات
سودھوجڑی بوٹیاں دے خوردنی استعمال وچ ایہناں دے پتے، تنے، جڑھاں ،بی تے پھݪ سمیت ہور حِصے استعمال کیتے جاندے نیں۔ ایہناں دا عام سبزیاں توں فرق ایہ اے کہ ایہناں نوں معمولی مقدار وچ استعمال کیتا جاندا اے جیہدا مقصد کھاݨے نوں خوشبودار بݨوݨا اے یا ایہدے طبی فوائد وچ اضافا کرنا اے یا ایہنوں زود ہضم بݨوݨا اے۔ ایہناں دی مثال مُختلف مسالے نیں یا ہور اشیاء جِداں لسݨ، ادرک وغیرا۔
ادویاتی بوٹیاں یا ادویاتی نباتات
سودھوقدیم زمانے توں بوٹیاں نوں اوہناں دے خواص تے انسانی جسم اُتے اثرات دی وجہ توں استعمال کیتا جاندا اے۔ ایہناں دا ذکر قرآن مجید تے انجیل سمیت قدیم کتاباں وچ آؤندا اے۔ ایہناں نوں اَج وی مُختلف امراض دے علاج لئی استعمال کیتا جا رہیا اے تے جدید ادویات وی ایہناں توں اخذ کیتیاں جا رہیاں نیں۔ ایہناں وچوں کچھ زہریلیاں وی ہُندیاں نیں یا ایہناں دے اثرات زیادا استعال ناݪ مُختلف ہو جاندے نیں اس لئی ایہناں نوں ورتݨ وچ احتیاط دی لوڑ اے۔
مقدس بوٹیاں
سودھوبعض بوٹیاں نوں روحانی طور تے وی استعمال کیتا جاندا اے یا ایہناں نوں مقدس خیال کیتا جاندا اے۔ قدیم کاہن ایہناں نوں استعمال کردے سی۔ ایہناں دی اک مثال ہندواں وچ تلسی دا استعمال اے۔
علم نباتیات وچ جڑی بوٹیاں
سودھوجدید علم نباتیات وچ جڑی بوٹی (herb) دے معنی مختلف نیں۔ ایہدے وچ جڑی بوٹیاں نوں ایہجے پودے منیا جاندا اے جیہناں وچ لکڑی اُتے مشتمل ٹاہݨا نہ ہووے۔ یعݨی کوئی درخت یا ایہدی چھال وغیرا جدید علم نباتیات وچ جڑی بوٹی نئیں کہلا سکدی۔ سارے پودے جیہناں وچ لکڑی نئیں ہُنی ایہناں نوں جڑی بوٹیاں کہیا جائو گا چاہے ایہناں دا کوئی استعمال ہووے یا نہ ہووے یا ایہناں دے کوئی خواص نہ ہوݨ جیہناں ناݪ ایہ ورتݨ جوگ ہو سکے۔
ہور دیکھو
سودھو| وکیمیڈیا کامنز چ مورتاں: جڑی بوٹیاں |