پہلا صفہ کھولو

بخت نصر (605 ق م - 562 ق م) بابل دا بادشاہ سی تے زمانہ شہزادگی چ ای مصر نوں فتح کیتا تے اپنے پیؤ نبولاسر دے بعد بابل دے تخت تے بیٹھا ۔ اس نے 597 ق م چ یہوداہ (فلسطین چ قائم اک یہودی ریاست ) دی بغاوت ختم کیتی تے دوبارہ اس علاقے 586 ق م چ بغاوت ہوئی تے اس نے بغاوت تے قابو پاء کے یروشلم نوں تباہ کردتا تے 4 ہزار یہودیاں نوں گرفتار کرکے بابل لے آئیا ، یہودیاں دی اس قید نوں بابل دی اسیری آکھیا جاندا اے ۔ اس دے عہد چ سلطنت دی زیادہ تر دولت بابل دی قلعہ بندی تے تعمیرات تے خرچ کیتی گئی ۔ اس دا محل عجوبہ روزگار سی ۔ بابل دے معلق باغات وی اس نے اپنی ایرانی ملکہ ، جہڑی کہا اپنے ملک دے باغات دی یاد چ اداس رہندی سی ، لئی اس دے محل دی سب توں اپردی منزل تے ملکہ دا دل بہلان واسطے باغ لگوائے تے ایہو باغ ، بابل دے معلق باغات دے ناں نال مشہور ہوئے ، کیونجے دور توں دیکھن چ اینج لگدا سی جداں ایہہ باغ ہوا چ ہوۓ ۔ ایہہ باغات دنیا دے ست عجوبیاں چ شامل نیں ۔ اس دے عہد چ بابل علم و ادب تے تہذیب و تمدن دا وڈا مرکز بنیا تے بابل دی تہذیب ارد گرد دیاں تہذیباں تے چھا گئی ۔