اِٹ مٹی، ریت یا گارے دی بݨی اک خاص بناوٹ اے. ایہدی شکل عام طور تے مستطیل ہُندی اے پر ایہ ہور شکلاں وچ وی ہوسکدی اے. اِٹاں گھراں تے دوجیاں عمارتوں دی تعمیر لئی ورتیاں جاندیاں نیں۔ اِٹاں کچیاں وی ہُندیاں نیں تے پکیاں وی۔ اِٹاں پَتھ کے ایہناں نوں بھٹھے وچ پکایا جاندا اے۔ اِٹاں پتھݨ آلے نوں پتھارا آکھیا جاندا اے۔

تریخ سودھو

پتھر ویلے توں بعد جدوں انسان غاراں توں گھراں ول تُریا تاں اوہنے گھراں دی تعمیر لئی پتھراں دے چھوٹے چھوٹے ٹُکڑے استعمال کیتے فیر پتھراں دے نال نال مٹی گارے نوں پَتھ کے اوہدیاں کچیاں اِٹاں بݨا کے ورتیاں گئیاں۔ زمانہ کچھ اگے ودھیا تے لوکاں نے مظبوطی لئی گارے دیاں پتھیاں ہوئیاں اِٹاں نوں اگ چ پکاؤنا شروع کردتا۔ عراق تے مصر دیاں پراݨیاں رِہتلاں تے پاکستان چ ہڑپہ رہتل وچوں اِٹاں لبھیاں، جِتھوں پتا لگدا کہ اوس ویلے دے لوک اِٹاں بناؤندے تے ورتدے سی۔