انتون چیخوف
 ایس آرٹیکل نوں چنگے آرٹیکل چ پلٹنا اے۔
|
| انتون چیخوف | |
| |
| روسی لکھاری | |
| جیون: | 29 جنوری 1860 ٹاگنروگ روس |
| مرن: | 15 جولائی 1904 بادنویلر جرمنی |
| کم : | ڈاکٹری، ڈرامہ لکھاری، افسانہ لکھاری |
| دسخط: | 
|
انتون چیخوف, روس دا منیا ہویا افسانہ تے ڈرامہ لکھاری سی۔ اوہ دکھنی روس چ جمیا۔ کم اودا ڈاکٹری سی پر اوہ ادب دی دنیا چ آگیا۔ پہلی کتاب دے چھپن مگروں اوہ ڈاکٹری چھڈ کے افسانے تے ڈرامے لکھن لگ گیا۔ اودی سائنسی سکھائی نے اونوں بوہت فیدہ دتا تے اونے حقیقت نگاری دی اک نویں راہ روسی لکھیئی چ وکھائی ۔ پہلے توں ای اس دا من روسی جیون دے روز دیاں ماملےاں ول سی ۔ انسانی فطرت دی کعٹیا ، کمینی تے چھوٹی چھوٹی گلاں تے اسنے تکھای طنز کیتی ۔ اس دیاں لکھتاں چ بپاری، پڑھاکو، پادری، استاد، نائی، مجسٹریٹ، روگی، پاگل ، وڈے افسر، سرکاری افسر، سارے طبقےاں دی چھوٹی سوچ تے بیوقوفی ایداں ریکارڈ ہوگئی اے جداں کیمرے نے جیون دی مورت کھچ لئی ہوئے۔ چیخوف نوں اج کل دی افسانے دا سردار سمجھئیا جاندا اے ۔ کج نقاداں دے نیڑے اوہ جگ دا سب توں وڈا افسانہ لکھاری اے۔
اک جگہ لکھدا اے ڈاکٹری میری قنونی بیوی اے تے ادب میری محبوبہ۔
بچپن
سودھوانتون چیخوف 29 جنوری 1860 نوں دکھنی روس چ کالے سمندر دے کنڈے تے شہر ٹاگنروگ چ جمیا۔ جتھے اودے پیو پاول چیخوف، جیہڑا کہ اک غلام دا پتر سی، دی منیاری دی دکان سی۔۔ اودا پیو گرجے دے سازندیاں دا مکھیا تے پکا آرتوڈوکس سعائی سی۔۔ کئی تریخ لکھاریاں دے نیڑے انتوں دے منافقت والے کرداراں دا ماڈل اودا پیو سی۔ یوجینیا، اودی ماں، جیدا پیو کپڑے ویچدا سی تے جیدے نال اوہ سارا روس پھر چکی سی۔، انتون نوں کعانیاں سناندی سی۔۔ انتون دے بولاں چ "گن اسیں اپنے پیو کولوں لئے تے روح اپنی ماں کولوں"۔ تاگنروگ دے جمنیزیم توں پڑھن دے مگروں اوہ یونانی منڈیاں دے سکول چ پڑیا۔ 1876 چ اودے پیو نوں مکان بنان دا قرضہ ناں موڈن تے کنگال ہون دی دس دتی گئی۔۔ انتون دا سارا ٹبر ماسکو نس گیا پر اوہ اوتھے ای ریا بورڈنگ سکول چ پڑدا ریا۔۔ ایس دکھ نال اودی ماں ٹٹ گئی۔ اپنے آپ نون تے اپنے ٹبر نوں سہارا دین لئی اونے کئی کم کیتے۔۔ ایدے نال اونے سروانٹیز، ٹرجینوف تے شوپنہائر نوں وی پڑیا۔۔ 1879 چ سکول دی پرھال مکان تے اوہ ماسکو آیا تے اک میڈیکل کالج چ پڑن لگ گیا۔
پیلیاں لکھائیاں
سودھواپنے ٹبر نوں آسرا دین لئی تے نالے اپنی پڑھائی دا خرچہ چلان لئی انتوں نے عام روسی لوکاں بارے لکھیا۔ پیلے تے اودا لہجہ بڑا سخت سی۔ پر ویلہ لنگن نال اودے چ ٹھہراؤ آندا گیا۔ 1884 چ چیخوف ڈاکٹر بن گیا پر ایستوں اونے کوئی پیسے ناں کمائے۔ غریباں دا روا دارو مفت کردا ریا۔ 1884 چ ای اونوں خون دی الٹی آئی پر اونے اپنے ٹبر تے سنگیاں نون اپنی ٹی بی دے روگ بارے ناں دسیا۔ 1886 چ سینٹ پیٹرزبرگ دے سب توں بعوتے پڑے جانے والے اخبار نووئے وریمیا چ لکھن لگ کیا۔۔ دمتری گریگورووچ، ویلے دے منے پرمنے لکھاری نے اونوں مشورے دتے۔ 1887 چ اودیاں کعانیاں دی کتاب (At Dusk) نے پشکن انعام "اچے مل والے ودیا کم" تے جتیا۔
اوسے ورے تھکیویں تے چوکھے کم توں انتوں یوکرین دی یاترا تے نکلیا۔ کھاے میریاں دیاں دے روپ نے اودے اندر نویں سوچ نوں جگایا۔۔ تے ایتھوں واپس آکے اونے وڈے ناپ دی نکی کعانی "سٹیپ" "کچھ وکھری تے کچھ نویکلی" لکھی۔ اے کعانی اپنے کرداراں دیاں سوچاں نال ٹردی اے۔ اک ٹانگے وچ سٹیپ دی تھاں اک منڈے دیاں اکھاں دیکھی کعانیا جیدے نال اک پادری تے اک تاجر وی ہوندے نیں۔ "سٹیپ" اودے کم دا اچا ناپ سی جیڑی کسی اخبار دے بجا ئے اک ادبی رسالے چ چھپی۔ 1887 دی پت چعڑ چ کورش، اک تھیٹر والے نیں اونوں ڈرامیہ لکھن لئی کیا۔ دو ہفتیاں چ لکھیا جان والا اے ڈرامہ نومبر چ چلیا۔ 1889 چ انتون دے پعرا نکولائی دی ٹی بی ہتھوں موت تے () ناں دی کعانی لکھی۔ اے اک ایسے بندے دی کعانی اے جیڑا موت نون سامنے ویکھ ریا اے تے جینوں اپنی جندڑی دا کوئی مقصد نیئں دسدا۔ میخائیل چیخوف جیڑا قنون دی پڑھائی کر ریا سی اوناں اپنے پعرا چ اداسی دی تیز لو دسی۔۔ اوہ اپنی پڑھائی لئی جیلاں دے بارے جانکاری کر ریا سی تے انتون چیخوف وی اپنی جندڑی ج کسے مقصد لئی جیلاں دی اصلاح دے کم چ پے گیا۔
سکھالین
سودھو1890 چ چیخوف نے ٹرین ٹانگے تے دریا چ ہوندا ہویا اک اوکھا سفرکیتا تے جپان دے اتر چ روسی جزیرے سکھالین اپڑیا جتھے اونے تن معینے لا کے اوتھوں دے واسیاں تے مجرماں دے بارے دس کٹھیاں کیتیاں۔ ٹومسک دے لوکاں بارے اپنی پعن نوں اوہ لکھدا اے "ٹومسک اک سست نگری اے۔ اوہ شرابی جناں نال میری جان پچھان اے تے اوہ پڑھے لکھے لوک جیڑے مینوں ہوٹل چ ملن آندے نیں اونوں توں اے لگدا اے جے اے بڑے سست نیں"۔
ٹومسک دے لوکاں نے ایس گل دا چیوخوف دے اک مخولیہ بت نوں بنا کے جواب دتا۔
جو کج اونے اوتھے ویکھیا اودا اونوں بڑا دکھ ہویا: مارپیٹ، سمان دی چوری، سوانیاں نال زنا۔ اوہ لکھدا اے " کج ایہو جے ویلے وی سن جدوں میں انساں نوں اودی سب توں بری جالت چ ویکھیا"۔ مجرماں دی ایس بستی چ بالاں دی حالت تے اوہ بڑا دکھی سی۔
ملیخوفو
سودھو1892 چ ماسکو دے دکھن چ 65 کلومیٹر دے پینڈے تے ملیخوفو دی زمین مل لئی تے اپنے ٹبر نال 1899 تک اوتھے ریا۔ زمیندار ہوندیاں ہویاں اونے اپنیاں زمےواریاں نوں پورا کیتا۔ پکھ تے بیماریاں چ لوکاں دی باں پھڑی۔ اونے تن سکول اک کلینک اک اگ بجان والا بناۓ تے ٹی بی ہوندیاں ہویاں وی میلاں تک لوکاں نوں روگاں چ دوا دارو دتا۔
یالٹا
سودھو1898 چ چیخوف یالٹا آیا تے ایتھے کعر بنا لیا۔ 25 مئی 1901 نوں اونے اولگا نپر نال ویا کرلیا۔
مرنا
سودھو15 جولائی 1904 نوں بادنویلر جرمنی چ اوہ مرگیا۔
چیخوف دیاں سیانیاں گلاں
سودھو- سوچ تے روپ، موجاں تے نیری وانگوں عام تے ماڑی جالت چ نیں ہونا چائیدا۔
- پیار، یاری یا عزت لوکاں نوں ایناں بعوتا نیں کٹھیاں کردے جناں کے کسے نال نفرت۔
گیلری
سودھو
حوالے
سودھوبارلے جوڑ
سودھو
| وکیمیڈیا کامنز چ مورتاں: Anton Pavlovich Chekhov |
- جیون
- جیون
- چیخوف دا ورثہ
- چیخوف Archived 2009-01-09 at the وے بیک مشین
- چیخوف دی قبر
- چیخوف دیاں عقل مت دیاں گلاں