الا دین
الا دین Aladdin (عربی: علاء الدين، ʻAlāʼ ad-Dīn، IPA: [ʕala:ʔ adˈdi:n]) مغربی ایشیا نال تعلق رکھݨ آلا لوک کہاݨیاں داستان الف لیلا دا اک کردار اے ۔
کہاݨی
سودھوکہاݨی وچ الا دین چین دے اک شہر وچ رہݨ والا اک غریب لڑکا سی ۔ مغرب توں آیا اک جادوگر غار وچ موجود طلسمی چراغ حاصل کرن دے لالچ وچ الا دین نوں اوہدے گُزر چکے پیؤ مصطفا درزی دا پعھرا دس کے اپݨے نال کَم تے رَکھ لیندا اے ۔ جادوگر دی غلطی نال الا دین غار وچ پھس جاندا اے ۔ الا دین جدوں اپݨے ہتھ مَلدا اے تاں جادوگر ولوں حفاظت لئی دتی گئی انگوٹھی وچوں رگڑ اک جن باہر نکلدا اے جیہڑا اوہنوں اوہدی ماں تک پہنچا دِندا اے ۔ اوہدی ماں جدوں مٹی نال پعھرے ہوئے چراغ نوں صاف کردی اے تاں اک ہور طاقتور جن باہر نکلدا اے جیہڑا چراغ دے مالک دا غلام ہنُدا اے ۔
چراغ وچوں نکلے جن نے الا دین نوں امیر تے طاقتور بݨا دتا ۔ جن الا دین لئی شہنشاہ دے محل توں وی شاندار محل تیار کردا اے ۔ اس توں بعد الا دین شہزادی بڈولبڈور نال نکاح کر لیندا اے ۔
اک دن جادوگر پراݨے چراغ دے بدلے نویں چراغ دیݨ دے بہانے نال الا دین دی بیوی کولوں طلسمی چراغ لے جاندا اے ۔ اوہ جن محل تے ساری دولت نوں مغرب لے جاݨ دا حُکم دِندا اے ۔ قسمت نال الا دین کول طلسمی انگوٹھی ہُندی اے جیہدی مدد نال اوہ چھوٹے جن نوں بلا لیندا اے ۔ چھوٹا جن وڈے جن دی طرحاں طاقتور تاں نئیں ہُندا پَر اوہ الا دین نوں جادوگر دے شہر لے جاݨ وچ مدد کردا اے ۔ جِتھے پہنچ کے الا دین جادوگر نوں مار کے چراغ حاصل کر لیندا اے تے محل تے شہزادی نوں اپنی جگہ واپس لے آؤندا اے ۔
جادوگر دا پعھرا اک طلسمی طاقت دی مدد نال وڈی عورت دا پعھیس لے کے شہزادی نوں اپݨے چعھانسے وچ پھسا کے محل وچ پناہ لے لیندا اے ۔ اوہ الا دین توں اپݨے پعھرا دی موت دا بدلا لیݨا چاوہندا اے ۔ جن الا دین نوں اس گل دا سارا پعھیت دَس ِدندا اے ۔ الا دین اس بہروپیے نوں مار دِندا اے ۔ اس توں بعد اوہ سارے مل کے خوشی خوشی زندگی جیݨ لگ جاندے نیں تے الا دین شہنشاہ بݨ جاندا اے ۔
روپانترن
سودھوسارے روپانترن اصلی کہاݨی نال میل کھاندے نیں ۔ عام طور تے چینی واقعے نوں عربائی پچھوکڑ وچ بدل دِتا گیا اے ۔
تصویر گیلری
سودھو
