اشتیاق احمد

اشتیاق احمد
جم	1944 جھنگ، پاکستان
موت	17 نومبر 2015 کراچی، پاکستان
کم کِتہ	ناول کار، لکھاری، صحافی
قومیت	پاکستانی
دور	1970–2015
صنف	جاسوسی ناول، بال کہانیاں
مضمون	حب الوطنی اتے اسلام پسندی،
ویب سائٹ
www.inspectorjamshedseries.com

اشتیاق احمد (1944-2015) اک مشہور پاکستانی بال ساہتکار سی۔ اس نے اردو وچّ 700 توں ودھ جاسوسی ناول لکھے۔ اوہ اردو وچّ سبھ توں زیادہ بچےآں دے ناول لکھن والا ساہتکار وی سی۔ اوہ ہر مہینے نواں ناول لکھدا سی۔ اوہ روزنامہ اسلام دے نال شائع ہون والے ہفتروزہ رسالہ بچوں کا اسلام دا 15 سال توں آخری دم تکّ اڈیٹر رہا۔

مڈھلی زندگی

اشتیاق احمد دا جم 1944 وچّ ہندوستان دے شہر پانیپت وچّ ہویا سی۔ 1947 وچّ بھارت دی تقسیم دے بعد اوہ ہجرت کر کے پاکستان دے شہر جھنگ وچّ جا وسیا۔

تغلیم

اس نے ایف ایس سی تکّ دی تعلیم حاصل کیتی۔ اس دی اپنی جیون کہانی میری کہانی نام ہیٹھ شائع ہوئی۔ اس وچّ اوہ دسدا ہے کہ روشنی دا انتظام نہ ہون دی صورت وچّ اوہ سڑک کنارے لگیاں سٹریٹ لائٹاں ہیٹھ پڑھائی کردا ہندا سی۔

شہرت

ہفت روزہ قندیل وچّ چھپی اس دی پہلی کہانی بڑا قد 1960 اتے پہلا ناول پیکٹ کا راز اسدی شہرت دے کارن بنے۔ جس دور وچّ اس نے لکھن دی شروعات کیتی اس دور وچّ ٹارزن وغیرہ دے کردار دیاں حامل کہانیاں اتے ناول ہی لکھاریاں دے تصنیفی میدان دی دھری سی، تاں وی اس نے ناولاں وچّ عالمی ریکارڈ بناؤن دے باو جود اوہناں چیزاں توں بچا رکھیا۔ اس دے علاوہ شہرت دی وجہ سن:

• جاسوسی ناول جنہاں وچّ انسپیکٹر جمشید سیریز بہت مشہور ہوئی، آخری عمر وچّ عمران سیریز اُتے وی کجھ کم کیتا۔
• اسدی ذاتی ایجاد کیتی ناول سیریز وچّ شوقی برادرز نوں وی مقبولیت ملی۔

موت

اشتیاق احمد کراچی کتاب میلے وچّ شرکت کرن دے بعد واپس اپنے آبائی شہر جھنگ جا رہا سی۔ کراچی دے جناح انٹرنیشنل ایئر پورٹ تے دل دی حرکت بند ہو جان دی صورتَ وچّ اسدا انتقال ہو گیا۔

خاص نمبر

اوہ اک بہت تیز در نال ناول لکھے ہن جسدی وجہ نال اسنے ڈھیر کتاباں لکھیاں۔ لیکن اوہ اک سال وچّ ایسے دو ناول لکھیا کردا سی جنہاں نوں خاص نمبر بلایا جاندا سی۔ ایہناں ناولاں وچّ بوہتی وار سارے تنے جاسوسی دَلّ اکٹھے معاملے نوں حلّ کرن لئی استعمال کیتے ہندے۔

پرمکھ لکھتاں

• غار کا سمندر
• ززیرے کا سمندر
• وادی مرجان

حوالے