آوت پاؤݨی
آوت پاؤݨی، کسانّاں تے کھیت کامّیاں دا اک روایتی پنجابی اکَٹھ اے جیہڑا سان٘جّھے رُوپ وچ فصل دی واڈھی کردا اے۔ ایہہ پرمپرا زیادَہ تر وساکھی دے مَوقعے اُتے اپنائی جان٘دی اے۔
آوت دا مطلب اے "کِتے آؤݨا" یا "کِتے پہنچݨا"۔ پنجاب وچّ کھیتّی مشنیری توں پہلاں وڈے زمیندار رِشتے داراں یا مِتراں بیلِیاں دی مدد ناݪ فصل دی واڈھی کردے سن۔ بلاوے دی اِس پرمپرا نوں آوت کہیا جان٘دا اے۔ ایہہ مہمان وجوں بلائے جان٘دے سن جِیہناں وچ آݪے دوآݪے دے پِنڈاں دے تے دُور دراڈے دے لوک وی ہُندے سن۔ ایہہ پرمپرا ہُݨ کافی گَھٹ گئی اے پَر بِلکُل ختم نہیں ہوئی۔ اِس وچ شامل لوکّاں دی خُوب مہمان نوازی کیتی جان٘دی سی تے تنّ ڈَن٘گ وَنّ سوَنّے بھوجݨ پروسّے جان٘دے سن۔ مہمانّاں لئی خاص طَور تے پرمپراگت کھاݨا جِویں گھیؤ شکر، کھیر، سیویاں تیار کِیتِیاں جان٘دِیاں سن۔ فصل دی واڈھی ویلّے ڈھول وجایا جان٘دا سی، گیت گائے جان٘دے سن تے بولِیاں پائِیاں جان٘دِیاں سن۔
آوت عام طور تے اوہناں خاندانّاں ولّوں پائی جان٘دی سی جیہناں کوݪ زیادَہ زمین ہُندی سی۔
آوت دِیاں قِسماں
سودھو- فصل دی واڈھی ویلّے
- گَھر دی چَھت پاؤݨ ویلّے
- پہلاں توں کٹی فصل رِشتے داراں یا مِتراں نوں دکھاؤݨ لئی
بولِیاں
سودھو
اک آدمی بولی پاؤن٘دا اے، جِویں:
کوٹھے اُتے کوٹھڑی، اُتے نار سکاوے کیس
کِتے یار دکھائی دے گیا بدل کے بھراواں، گبھروآ او بھیس
باقّی ساتّھی اس وچّ شامل ہو کے اوہنوں ہور اُچّا گاؤن٘دے نیں تے بھنگڑا پاؤن٘دے نیں۔