آبنائے بیرنگ

آبنائے بیرنگ (انگریزی: Bering Strait)، بحرالکاہل تے بحر منجمد شمالی دے درمیان اک آبنائے آ جو روس دے انتہائی مشرق وچ چکچی جزیرہ نما نوں الاسکا دے سیوارڈ جزیرہ نما توں الگ کردی اے۔ موجودہ روس-امریکا دی سمندری حدود 168° 58' 37' W طول البلد اُپر اے، جو آرکٹک سرکل دے تھوڑا جیا جنوب وچ تقریبن 65° 40' N عرض البلد اُپر اے۔ اس آبنائے نوں کاسک سیمون دژنیف نے 1648ء وچ پار کیتا سی، پر ایہدا نام ڈنمارک دے مہم جو وِٹس بیرنگ دے نام اُتے رکھیا گیا، جیہنے ایہنوں 1728ء وچ پار کیتا سی۔

آبنائے بیرنگ

جغرافیا

آبنائے بیرنگ کیپ دیژنیف، چکچی جزیرہ نما، روس، براعظم ایشیا دے سبھ توں مشرقی نقطے (169° 39'W) تے کیپ پرنس آف ویلز، الاسکا، ریاستہائے متحدہ، براعظم شمالی امریکا دے سبھ توں مغربی نقطے (168° 05' W) دے درمیان واقع آ۔ ایہدی سرحد شمال وچ بحیرہ چکچی (بحر منجمد شمالی) دا حصہ) تے جنوب وچ بحیرہ بیرنگ (بحر الکاہل دا حِصہ) بنال ملدی اے۔

ایہ اپݨے تنگ ترین مقام توں تقریبن 82 کلومیٹر (51 میل) چوڑی اے تے ایہدی سبھ توں گھٹ گہرائی صرف 90 میٹر (300 فٹ) اے۔

آبنائے بیرنگ دا نظریہ

آبنائے بیرنگ اس سائنسی نظریے دا موضوع رہی اے کہ انساناں نے ایشیا توں شمالی امریکا دی طرف ہجرت لئی اک زمینی پل استعمال کیتا، جو بیرنگیا دے نام توں جاݨیاا جاندا اے جد سمندر دی سطح گھٹ سی تے جد گلیشیئرز نے پاݨی دا رستا روک لیا سی تے موجودہ آبنائے تے ایہدے شمال تے جنوب وچ سطحی سمندر وچ، سمندر دے فرش دا اک وسیع حصہ خشکی دے طور تے اُبھر آیا سی۔ پتھر دے دور دے Paleo-Indians دے امریکا وچ داخل ہوݨ دا ایہ نظریہ کئی دہائیاں توں غالب رہیا اے تے ہُݨ وی سبھ توں زیادہ قبول کیتا جا رہیا اے۔ کم از کم 20ویں صدی دے اوائل توں لے کے ہُݨ تک کشتی دے استعمال توں بغیر متعدد کامیاب کراسنگ ریکارڈ کیتے گئے نیں۔