کمھار

کمھار، کمھیار، کمہار، گھمار، گھمیار (انگریزی: Potter)، مٹی دے برتݨ، کھلوݨے تے ہور چیزاں بݨاؤݨ آݪے کاریگر نوں کہیا جاندا اے۔ کمھاراں دے دھن٘دے نوں کمھارا کہیا جاندا اے۔

کمھار

مٹی دے برتݨ بݨاؤݨ لئی صاف مِٹّی دی لوڑ ہُندی اے۔ مٹی دے برتݨ تے ہور مٹی دیاں شیواں خالص قِسم دی چِکݨی مٹی ناݪ تیار کیتیاں جاندیاں نیں۔ کمھار مٹی گُنھ کے چاک اُتے پعھانڈّے تیار کردا اے۔ مٹی دے برتݨ تقریبن چھے دن وچ تیار ہُندے نیں جیہناں وچ اک دن برتݨ بݨاؤݨ، دو دن ایہنوں پکاؤݨ تے تن دن تُعپ وچ سکھاؤݨ وچ لَگدے نیں۔ مٹی دے تیار شدہ مال نوں تن دن تُعھپ وچ سکھاؤݨ توں بعد آوے وچ پکایا جاندا اے۔ کئی قِسماں دے برتݨ، کھلوݨے تے ہور چِیزاں بݨائیاں جاندیاں نیں جیہناں وچ گھڑے، ہانڈیاں، چاٹیاں، کناݪیاں، گملے، دیوے، کونڈیاں، تندور، صراحیاں، گلاس، پیالّے، غلّے، جھاویں تے گُھگو گھوڑے وغیرہ شامل نیں۔

مورتاں

• 
• 
• 
• 
• 
• 
• 
• 
• 
• 
• 
• 

ہور دیکھو

• پوٹری
• مٹی دے برتݨ
• برتݨ
• چکݨی مٹی
• بت سازی