گھروالی چڑی

گھروالی چڑی
چڑا
چڑی
دیس:	جنور
برادری:	کورڈیٹ
ٹولی:	پنچھی
پتی:	چڑیاں
ٹبر :	چڑی
سائینسی ناں:	Passer domesticus
گزڑا ہرا رنگ چڑی دا اصل دیس جد کہ ہلکا ہرا رنگ اوہ تھاں جتھے ایہنوں لجایا گیا

گھروالی چڑی چڑی ٹبر دی اک پنچھی اے۔ ایہ سب وں زیادھ عام تے ویکھی جانوالی چڑی اے۔ ایہ گھراں وچ عام دسدی اے تے انسان دے نال یا دوالے پچھلے 10،000 وریاں توں اے۔ ایہ دنیا دے لامت تھانواں تے ملدی اے۔ ایہدی گنتی 500 ملین دے نیڑے اے۔

وکھالہ

ایہ 16 سینٹی میٹر (6.3 انچ) لمی تے 24–39.5 گ (0.85–1.39 اونس) جوکھ دی ہوندی اے۔ مادھ دا بھار تھوڑا گھٹ ہوندا اے۔ ایہ اک نکا تے پکا پینڈا پنچھی اے جیدی چھاتی بھری تے سر گول ہوندا اے۔ ایہدی چنج 1.1–1.5 سینٹی میٹر دی تے پچھوں پینڈی، موٹی تے اگوں تکھی ہوندی اے۔ بی کھان لئ ودھیا اے۔ پوچھل ایہدی نکی ہوندی اے 5.2–6.5 سینٹی میٹر(2.05–2.56 انچ) لمی۔ اچیاں تے ٹھنڈیاں تھانواں تے ایہ کج نکے ہوندے نیں۔

نر تے مادے دے وکھالے وچ فرق ہوندا اے۔ مادھ اتوں تے تھلوں سانولی مٹی رنگی ہوندی اے۔ نر دا رنگیا سر، رتی مگر تے سانولا تھلواں پاسا ہوندا اے۔ نر دا تاج چنچ توں لے کے مگر تک سانولا ہوندا اے۔ تاج دے دوالے سر رتہ پؤرا ہوندا اے۔ چنج دے دوالے، چنج دے تھلے تے چنج تے اکھ دے وشکار کالی ہوندی اے۔ تاج تے پڑپڑی وشکار اک چٹا چٹاک ہوندا اے۔ نر دی چنج کتاں ویلے وچ کالی تے انج ہلکی پؤری ہوندی اے۔

مادھ دے سر تے کوئی تاج نہیں ہوندا تے ناں ای کوئی کالے نشان ہوندے نیں۔ تھلواں حصہ ہلکا مٹی رنگا تے مگراں تے کتے کتے دھاریاں۔ ایہدی چنج ہلکی پؤری پر کتاں ویلے نر وانگوں کج کالی ہوندی اے۔

چڑی دی واز

ایہنان دے چوچے اتوں ہلکے رنگدے تے تھلیوں گوڑے پؤرے رنکدے ہوندے نیں۔ ایہناں دیاں چنجاں پیلیاں ہوندیاں نیں۔

پنجاب دی لوک رہتل وچ

چڑی پنجاب دے لوک رہتل نال مڈھ توں جڑی ہوئی اے۔ ایہ گیتاں، گلاں باتاں، محاوریاں تے اکھاناں وچ ملدی اے۔

چڑی دا بوٹ

• ساڈا خڑیاں دا چمبا اے بابل اساں اڈ جانا۔