کیمرا

کیمرا (Camera) اک آپٹیکل آلہ اے ۔ کیمرے تصویر یا مووی بݨوݨ لئے استعمال ہُندے نیں ۔ کیمرا بنیادی طور تے چانݨ پروف یعݨی نھیرے خانے تے مشتمل ہُندا اے جیہدے اک پاسے چانݨ داخلی راہ ہُندا اے تے ایہدے اندر چانݨ لئی اک حساس غشا (film) لائی گئی ہُندی اے جو عکس نوں اپݨی سطح تے ثبت کر لیندی اے ۔ مسلمان سائنسدان ابن الہیشم نے سبھ توں پہلاں ایہدے طریقا کار دی وضاحت قوانین بصریات دے اصولاں دے تحت پیش کیتی تے ایہدا ذکر بصریات تے مبنی اپݨی مشہور کتاب، کتاب المناظر (Book of Optics) وچ اوندا اے ۔ اس کتاب تے اک تبصرا محمد الفارسی نے لکھیا سی جیہنوں التنقیح دے ناں نال جاݨیا جاندا اے ۔ بعد وچ لاطینی وچ اس کتاب دے ترجمے کیتے گئے ۔