کھنڈ
کھنڈ یا بھوری شکر ،(brown sugar) براؤن شوگر اک سوکروز شکر پروڈکٹ اے جیہدے وچ گڑ دی موجودگی دی وجہ ناݪ اک مخصوص بھورا رنگ ہُندا اے۔ ایہ چینی دے کرسٹل اُتے مُشتمل بقایا گڑ دے مواد اُتے مشتمل اے، لیکن ہُݨ اکثر بہتر چینی وچ گڑ دے اضافے ناݪ تیار کیتا جاندا اے۔ کھنڈ جزوی طور تے بخارات ناݪ بݨی گنے دی راب چوں کچھ مقدار وچ گڑ نوں برقرار رکھدی اے۔ وزن دی بنیاد تے جے کھنڈ مکمل طور تے ریفائن ہو جاوے تاں %70 تک چینی حاصل ہُندی اے، ایہدی ڈگری اس گَل اُتے منحصر اے کہ شکر دے کرسٹل وچ کِنا گڑ باقی اے تے کھنڈ سینٹرفیوجڈ سی یا نئیں۔ چونکہ قدرتی بھوری شکر وچ زیادا گڑ ہُندا اے، اس لئی ایہدے وچ غذائیت تے معدنی مواد موجود ہُندا اے۔ جے ایہنوں بڑی حد تک سینٹرفیوج کیتا گیا ہووے تاں ایہنوں ٹربیناڈو، ڈیمیرارا یا خام شکر دے طور تے فروخت کیتا جاندا اے۔ کھنڈ دے ذرات دا سائز متغیر اے لیکن عام طور تے داݨے دار چینی توں چھوٹا ہُندا اے۔
