کولن لوتھر پاول (انگریزی : Colin Luther Powell) اک امریکی سیاست دان، سفارت کار تے ریٹائرڈ فور اسٹار جنرل سی ۔ ریپبلکن پارٹی دے مِمبر کولن پوول پہلے افریقی نژاد امریکی وزیر خارجہ سی ۔ [۱] کولن پاول سن 1937 وچ نیو یارک شہر میں پیدا ہوئے سی ۔ اوہناں دی پرورش ساؤتھ برونکس وچ ہوئی ۔ اوہناں دے والدین ، ​​لوتھر تے موڈ پاول ، جمیکا توں امریکا منتقل ہوئے سی ۔ کولن پاول نے نیو یارک شہر دے سرکاری سکولاں وچ تعلیم حاصل کیتی ، نیویارک کے سٹی کالج (سی سی این وائی) توں گریجوئیشن کیتی ، جتھے اوہناں نے دھرتی پڑھت وچ بیچلر ڈگری حاصل کیتی ۔ اوہناں نے (ریزرڡ افسر ٹریننگ کور) وچ وی حصہ لیا تے جون 1958 وچ گریجوئیشن توں بعد آرمی وچ سیکنڈ لیفٹیننٹ دی حیثیت نال کمیشن حاصل کیتا ۔ پاول 35 ورھےآں تک اک پیشا ور سپاہی سی ۔ اس دوران اوہ بہت سارے کمانڈ تے اسٹاف دے عہدےآں تے فائز رہے تے فور اسٹار جنرل دے رینک تے فائز ہو گئے ۔ اوہ 1989 وچ امریکی فوج دی کمانڈ ے کمانڈر سی ۔ اوہناں دی آخری ذمہ داری ، اکتوبر 1989 توں ستمبر 1993 تک ، جوائنٹ چیفس آف اسٹاف دے 12 ویں چیئرمین دی حیثیت نال محکمہ دفاع وچ اعلا فوجی عہدے تے فائز رہے ۔ اس دوران اوہناں نے 28 بحراناں تے قابو پایا ۔ جیہدے وچ 1989 وچ پاناما تے حملہ تے 1990 - 1991 وچ عراق دے خلاف خلیج فارس دی جنگ وچ آپریشن ڈیزرٹ اسٹورم شامل سی ۔ اوہناں نے پاول ڈاکٹرائن نظریہ مرتب کیتا جو امریکی فوجی کارروائی نوں محدود کردا اے جد تک کہ اوہ امریکی قومی سلامتی دے مفادات ، حد توں زیادہ طاقت تے لوکاں دی وسیع حمایت نال متعلق معیار تے پورا نئیں اتردا ۔ اوہ امریکا دے 65ویں وزیر خارجہ سی ۔ اوہ ریپبلکن صدر جارج ڈبلیو بش دی پہلی دور صدارت دی کبینا وچ 20 جنوری 2001 توں 26 جنوری 2005 تک وزیر خارجہ رہے ۔

کولن لوتھر پاول
جنمستھان : ہارلم، نیو یارک، امریکا
جمݨ دیہاڑ : 5 اپریل 1937
مرن دیہاڑ : 18 اکتوبر 2021
مرنستھان : بیتھیسڈا، میری لینڈ، امریکا
کم : فوجی جرنیل ، سیاستدان
سیاسی جماعت : ریپبلکن پارٹی
امریکی وزیر خارجہ : 20 جنوری 2001 - 26 جنوری 2005
چیئرمین جوائنٹ چیفس سٹاف : 1 اکتوبر 1989 - 30 ستمبر 1993
امریکی وزیر خارجہ : 20 جنوری 2001 - 26 جنوری 2005
گھر آلی  : الما پاول
بیاہ : 1962
دستخط :

ریٹائرمنٹ مگروں کولن پاول نے اپݨا سوجیون ناواں "مائی امیریکن جورنی" لکھیا ۔ اوہناں نے بطور پبلک اسپیکر کیریئر نوں اگے ودھایا ، امریکا تے دوجے دیساں وچ سامعین نال خطاب کیتا ۔ سکریٹری آف اسٹیٹ (امریکی وزیر خارجہ) بݨݨ توں پہلاں کولن پاول امریکا دی تنظیم "امیرکاز پرومِس" (الائنس فار یوتھ) دے چیئرمین سی ۔ کولن پاول نے کئی امریکی تے غیر ملکی فوجی ایوارڈز تے سِڡل ایوارڈز وصول کیتے ۔

کولن پاول نومبر 1989 وچ، بطور چیئرمین جوائنٹ چیفس آف اسٹاف




باہرلے جوڑ سودھو

  1. The first African American secretary of state, Colin Powell Archived June 4, 2008, at the وے بیک مشین, The African American Registry.