چٹانی پاندھی
چٹانی پاندھی ایسے پاندھی نوں کیندے نیں جیڑا سلیکیٹ وٹیاں یا دعات دا بنیا ہوۓ۔ سورجی پربندھ چ سورج دے نیڑے آلے 4 پاندھی چٹانی پاندھی نیں: عطارد، وینس، زمین تے مریخ نیں۔ چٹانی پاندھی باقی جن پاندھیاں توں اس گل چ وکھرے ہوندے نيں کہ ایناں دی کھل ٹھوس ہوندی اے تے گیس جن ہائیڈروجن، ہیلیم تے پانی دے بنے ہوندے نيں۔ سارے چٹانی پاندھی تقریبا اکو بنتر دے ہوندے نیں: مڈ چ اک دعاتی کور جیڑی تقریبا ساری لوۓ دی ہوندی اے جس دے گرد سلیکیٹ دی مینٹل ہوندی اے۔ زمین دا چن وی ایسی طرح دا ہوندا اے مگر ایدی لوۓ دی کور نکی اے۔ مشتری دی چن آئیو تے یوروپا دی بنتر وی ایسے طرح دی اے۔ چٹانی پاندھیاں دی کھل اتے دراڑاں، پعاڑ، کھڈے، آتش فشاں تے اور بنتر ہوندی اے۔ ایہ پاندھی دے ٹیکٹانک کماں تے پانی دی وجہ نال ہوندے نیں۔ چٹانی پاندھیاں دی ہوا دیاں دو ونڈاں ہوندیاں نیں، جیناں چوں دوجی ونڈ آتش فشاں تے کومیٹ وجن نال بنندی اے۔
