چندرتال جھیل

چندرتال جھیل ہماچل پردیش دے لاہول سپتی ضلعے وچ وگدی اک خوبصورت جھیل اے۔ جو بھارت دیاں سبھ توں اُچیاں جھیلاں وچوں اک اے۔چندرتال جھیل سمندری پدھر توں تقریباً 14,000 فٹّ دی اُچائی تے اے۔ انی اچائی کرکے ہی اتھے جون مہینے وچّ وی رات دا درجہ حرارت منفی رہندا اے۔ منیا جاندا اے کہ چندر(چند) اتے تال(جھیل) توں چندرتال نام پیا اے جسدا مطلب اے چند ورگی جھیل۔ ایہہ جھیل برفیلے پہاڑاں وچکار گھری ہوئی اے۔ خوبصورت قدرتی نظارے پاروں چندرتال جھیل قدرت پریمیاں دے کھچّ دا مرکز اے۔

پہنچن دے رستے

چندرتال پہنچن دا پہلا رستہ منالی توں روہتانگ ہو کے جاندا اے۔ ایہہ رستہ گرانپھو، چھترو تے باتل ہندے ہوئے چندرتال پہنچدا اے۔چھترو توں اگے 48 کلومیٹر دا رستہ زیادہ خطرناک اے۔ دوجا رستہ کنور - کازا ہو کے جاندا اے۔ اس رستے 4590 میٹر اچے کنزم درے نوں پار کرنا پیندا اے۔ اس درے توں دس کلومیٹر پیدل تر کے وی پہنچیا جا سکدا اے پر سادھن تے رستے باتل توں ہی جایا جاندا اے۔ تیراں کلومیٹر دا ایہہ سفر خطرناک موڑاں تے منموہنے نظارےآں والا اے۔ اس رستے جا کے وی چندرتال توں اک کلومیٹر پہلاں ہی گڈیاں رک جاندیاں ہن تے اگے پیدل ہی جانا پیندا اے۔