پیرا شاہ غازی

پیرا شاہ غازی قلندردوراں عرف دمڑیاں آلی سرکار کھڑی شریف میرپور آزاد کشمیر

مزار پیرا شاہ غازی

ولادت

پیرا شاہ غازی دمڑیاں آلی سرکار1665ء بمطابق1076ھ موضع بہرام ضلع گجرات چ پیدا ہوئے۔ اولیائے پنجاب دے مطابق منگلا دے قریب بڑل چ پیدا ہوئے پیرا شاہ غازی دے جد امجد بابا جاریہ خان المعروف پہاڑیہ خان موضع بڑل توں نقل مکانی کر کے موہال آئےانہاں دی قوم وی موہال سی جہڑی قطب شاہی اعوان دی تھلویں شاخ اے۔

ناں تے نسب

آپ دا ناں"بدوح شاہ"جنہاں دا تعلق بافندہ گھرانے نال اے تے لقب پیرا شاہ غازی المعروف دمڑیاں آلی سرکار اے۔والد دا ناں شیر خان مغل اے ایک روایت دے مطابق والدین نے انہاں دا ناں پیر محمد رکھیا پر پیار نال ’’ پیرا‘‘کہیا جان لگا۔

نسب طریقت

انہہاں دا نسب طریقت خاندان قادریہ تے گروہ شاہ مقیم نال تعلق اے پیرا شاہ غازی،سید شاہ محمد امیر بالاپیر،سید شاہ محمد مقیم محکم الدین،سید جمال اللہ حیات المیر زندہ پیر،غوث صمدانی شیخ عبد القادر جیلانی۔تے بقول فقراء انہاں دی نسبت خضر علیہ السلام نال روحانی طورتے وی اے۔

القاب تے خطابات

سخی سرکار،شاہ شاہاں،پیر پیراں،دستگیر درماندگاں،راہنمائے گمراہاں،مشکل کشائے ہر دو جہاں،قطب الاقطاب،فرد الاحباب،پیران پیر،عالیجناب مست،مست ساز ،بادشاہ بے نیاز ،شیر بیشہ اولیاء،اوج کبریائی کے شہباز،شہادت پناہ،غازی پیر پیرا شاہ قادری۔غازی، المغازی، امیر العساکر۔

دمڑی والا ناں دی وجہ

ایک واری غوث الاعظم دی بارگاہ چ حاضر سن آپ نے فرمایا اے فقیراساڈی طرفوں تا قیامت اک لکھ ٹکہ وظیفہ مقرر کیتا جاندا اے جو مخلوق خدا تیرے لئی ہر روز نذر نیاز من کے پیش کیتا کرے گی انہاں نے عرض کیتی غریب نواز دنیاوی مال تے میرے کسی کم دا نیئں پرمیرے جانشین اس دولت دی وجہ توں اللہ دی یاد توں غافل رہن گے اس نوں کم کر دیو دوبارہ فرمایا سوالکھ روپے چوں سوالکھ دمڑی (اک پیسہ وچ چاریااٹھ دمڑیاں ہوندیاں نیں)تہاڈی نذر ہوویگی ایہہ ضرورت توں زیادہ وی نیئں تے نہ دین والے لئی بوجھ ہوویگی۔ ہن سوالکھ روپے لوکی غوث پاک دی نذر مندے نیں جس چوں سوالکھ دمڑی پیرا شاہ غازی دے ناں دی نذر ہوندی اے

وصال

آپ دا وصال 14شعبان1155ھ بمطابق1742ء ہویا تےکھڑی شریف چ دفن نیں وصال دا عدد "زہے پیر مردان حق پیرشاہ"