پھل دوپہری
| پھل دوپہری | |
| |
| پچھان | |
| دیس: | بوٹے |
| برادری: | پھلوالے بوٹے |
| ٹبر: | پوٹولاکا ٹبر |
| سائینسی ناں: | Portulaca grandiflora |
پھل دوپہری پھلوالے بوٹیاں دے اک ٹبر پوٹولاکا ٹبر دی اک بوٹی اے۔ ایہ ارجنٹینا, دکھنی برازیل تے یوراگوۓ دی واسی اے پر ہن ایہ پاکستان دے نال نال دنیا دے کئی دیساں وچ اگائی جاندی اے۔
ناں
سودھوایہدا پھل دن نوں ہوندا اے تے ایس لئی پھل دوپہری، گل دوپہری ایہدے ناں نیں۔ ہندستان وچ ایہنوں 9 بجیا کیندے نیں کیوں جے ایہ دن نون 9 بجے دے نیڑے کھڑدا اے۔
وکھالہ
سودھوایہ اک نکی تے تیز اگنوالی بوٹی اے جیہڑی 30 سینٹی میٹر تک اچی جاندی اے۔ ایہدے پتے موٹے، گودے والے تے 2.5 سینٹی میٹر لمے ہوندے نیں۔ پتے اگے پجھے تے گچھیاں وچ وی ہوندے نیں۔ پھل پتی دا گھیر 2.5–3 سینٹی میٹر دا ہوندا اے تے اک پھل وچ 5 پتیاں ہوندیاں نیں۔ ایہ لال، کھٹے، گلابی، چٹے، پیلے رنگاں وچ ہوندا اے۔ ایہدی ٹاہنی توڑ کے لگاؤ تے نویں بوٹی اگ پویگی۔
| پھل دوپہری | ||||
|---|---|---|---|---|
|
|
| ||
بارلے جوڑ
سودھو| وکیمیڈیا کامنز چ مورتاں: پھل دوپہری |