گجر خاں
| گجر خاں | |
|---|---|
| شہر | |
| Gujar Khan | |
  گجر خاں  گجر خاں | |
| متناسقات: 33°15′11″N 73°18′14″E / 33.253°N 73.304°Eمتناسقات: 33°15′11″N 73°18′14″E / 33.253°N 73.304°E | |
| مُلک |  پاکستان |
| صوبا |  پنجاب |
| ضلع | راولپنڈی |
| بلندی | ۴۶۱ میٹر (۱,۵۱۲ فٹ) |
| آبادی (2017ء) | |
| • شہر | ۹۰,۱۳۱ |
| منطقۂ وقت | PST (UTC+5) |
| کالنگ کوڈ | 0513 |
| یونیئن کونسلاں | 2 |
گجر خاں (Gujar Khan)، ضلع راولپنڈی، پنجاب، پاکستان دا اک شہر اے تے تحصیل گجر خاں دا صدر مقام اے۔ گجر خاں وفاقی دارالحکومت اسلام آباد توں تقریبن 57 کلومیٹر (35 میل) جنوب مشرق وچ تے پنجاب دے دارالحکومت لہور دے شمال مغرب وچ 220 کلومیٹر (140 میل) دے فاصلے اُتے واقع اے۔ ایہدے شمال وچ راولپنڈی تے اسلام آباد، جنوب وچ جہلم، مشرق وچ آزاد کشمیر تے کلر سیداں تے مغرب وچ چکوال واقع نیں۔
گجر خاں تے گردو نواح دے علاقے نوں پوٹھوار دے ناں توں وی جانیا جاندا اے۔ اِس شہر دے آسے پاسے دے علاقے نوں 'شہیداں دی سرزمین' وی کہیا جاندا اے، جِتھوں نشان حیدر دے دو وصول کنندگان دا تعلق اے۔ شہر دے وسط وچ مرکزی سرکاری ہسپتال اے۔ کاروباری سرگرمیاں لئی شہر وچ غلہ منڈی تے بازار موجود نیں۔ قومی شاہراہ این 5 شہر وِچوں لنگدی اے۔
تریخ
سودھواس تھاں دا ناں گُجراں دی بڑی آبادی دی وجہ توں پیا جیہڑے اس علاقے وچ آباد سن۔ تحصیل گجر خاں وچ اک وڈی گجر بستی ہُن وی موجود اے۔ اس جدید قصبے نوں برطانوی نوآبادیاتی حکام نے 1848ء وچ اس علاقے دے برطانوی راج وچ آؤن مگروں تیار کیتا سی۔
گجر خاں وچ ہندواں تے سکھاں دی اک قابل ذکر آبادی سی، اس آبادی دا زیادہ تر حصہ قیام پاکستان توں بعد بھارت ہجرت کر گیا۔