پنجاب فوڈ اتھارٹی

پنجاب فوڈ اتھارٹی (انگریزی: Punjab Food Authority)، پنجاب پاکستان دا اک سرکاری ادارہ اے۔ پنجاب فوڈ اتھارٹی پنجاب وچ فوڈ سیفٹی، کھاݨ پیݨ دیاں چیزاں دے معیار دی بہتری، صفائی ستھرائی تے حفظان صحت نوں منظّم کر دی اے۔ ایہدی تشکیل پنجاب اسمبلی نے پنجاب فوڈ اتھارٹی ایکٹ 2011 دے تحت کیتی اے۔ پی ایف اے پاکستان وچ اپݨی نوعیت دی پہلی اتھارٹی اے۔ ایہدا اک ڈائریکٹر جنرل تے ماتحت کئی ڈائریکٹرز ہُندے نیں۔ پنجاب دی ہر تحصیل وچ ایہدے دفتر موجود نیں۔

پنجاب فوڈ اتھارٹی دیاں ذمہ داریاں

1. محفوظ کھاݨا فراہم کرن دے احکامات وچ فارمرز ، مینوفیکچررز ، تقسیم کاراں ، درآمد کنندگان تے دیگر اسٹیک ہولڈرز دی تعمیل نوں یقینی بݨوݨ لئی فوڈ بزنس نوں باقاعدہ بݨوندی تے نگرانی کرنا۔
2. کھاݨے دے کاروبار ، فوڈ لیبلنگ ، فوڈ ایڈیٹنگ سمیت کھاݨے دے کِسے وی پہلو دے متعلق معیارات ، طریقہ کار ، عمل تے رہنما اصول وضع کردی تے ایہناں تے عمل درآمد دے مناسب نظام دی وضاحت کرنا ۔
3. کھاݨے دی حفاظت تے معیار دے معیار دا نفاذ کرنا ۔
4. کھاݨے دیاں لیبارٹریاں نوں ترتیب دیݨ تے اَپ گریڈیشن دے طریقہ کار تے رہنماء اصول دسݨا ۔
5. عدالت وچ لائسنسنگ ، ممنوعہ احکامات ، بہتری کے نوٹسز تے قنونی چارہ جوئی دی وضاحت کرنا ۔
6. کھاݨے دی حفاظت دے متعلق معاملات وچ حکومت نوں سائنسی مشورے تے تکنیکی مدد فراہم کرنا ۔
7. کھاݨے دیاں لیبارٹریاں دا قیام ۔
8. کھاݨے دی حفاظت تے معیارات دے سلسلے وچ تربیتی پروگراماں دا اہتمام کرنا ۔
9. کھاݨے دی حفاظت تے معیار دے بارے وچ عمومی آگاہی نوں فروغ دیݨا ۔
10. برآمد لئی کھاݨے دی مصنوعات یا چیزاں دی تصدیق کرنا ۔
11. کھاݨ پیݨ دیاں چیزاں دے اگے پِچھے دی چھاݨ پھٹک کرنا ۔
12. نگرانی، جیہدے وچ خوراک تے غذائی اجزاء دے متعلقہ اعداد و شمار نوں جمع کرنا ، سالمیئت، تجزیا ، تشریح تے پرچار شامل اے۔