پنجابی سائنس بورڈ

پنجابی سائنس بورڈ، لاہور، پنجاب، پاکستان وچ قائم اک پنجابی سائنسی ادارہ اے جیہڑا سائنس دے کھیتر وچ پنجابی زبان لئی کم کردا اے تے معیاری پنجابی سائنسی کتاباں چھاپدا اے۔ زیادہ تَر کتاباں سائنسی موضوعات اُتے چھاپیاں جاندیاں نیں، ایس توں علاوہ ہور موضوعات اُتے وی پنجابی کتاباں چھاپیاں جاندیاں نیں۔ پنجابی سائنس بورڈ نے اک تماہی سائنسی رسالا "سائنس رَنگ" وی کڈھیا۔

پنجابی سائنس بورڈ الیاس گُھمݨ تے پروفیسر ڈاکٹر جمیل احمد پال دی اگوائی وچ 1990ء وچ قائم کیتا گیا۔ کئی مِمبران اُتے مُشتمل ایہدی اک کمیٹی وی بݨائی گئی۔ الیاس گُھمݨ ایہدے بانی چیئرمین نیں۔ اوہناں نے داؤد کالج آف انجینیئرنگ اینڈ ٹیکنالوجی کراچی توں بی ای الیکٹرونِکس انجینیئرنگ دی ڈِگری حاصل کیتی۔

اغراض و مقاصد

1. پنجابی زبان وچ سائنسی موضوعات اُتے معیاری کتاباں چھاپݨا۔
2. سائنسی تے ٹیکنیکل علوم نوں پنجابی زبان وچ مُنتقل کرنا۔
3. پنجابی لوکائی وچ سائنس نوں عام فہم کرنا۔
4. مُختلف زباناں وچ دُنیا دیاں بہترین سائنسی کتاباں تے مواد نوں پنجابی وچ ترجمہ کرنا۔
5. پنجابی زبان وچ سائنسی اصطلاحات تیار کرنا۔

کتاباں

پنجابی سائنس بورڈ دیاں کتاباں وِچوں کچھ دے نام درج ذیل نیں۔

سائنسی کتاباں

• ریڈار ۔ الیاس گُھمݨ
• فزکس ۔ جلال احمد پاشا
• بجلی شیواں دی مرمّت ۔ عذرا جبیں
• چار ایجاداں ۔ ڈاکٹر اختر جعفری
• سائنس (بالاں لئی) ۔ الیاس گُھمݨ
• حساب کتاب ۔ الیاس گُھمݨ
• موٹر کار مرمّت ۔ عبدالحفیظ
• وڈے سائنسدان ۔ محمد آصف رضا
• فزکس دی تکنیکی لفظاولی ۔ کمیٹی پنجابی سائنس بورڈ
• ٹُوݨے ٹوٹکیاں دا سائنسی ویروا ۔ اصغر امرتسری
• کیمسٹری ۔ الیاس گُھمݨ
• بیالوجی ۔ الیاس گُھمݨ
• الیکٹرونِکس ۔ الیاس گُھمݨ
• کمپیوٹر ۔ الیاس گُھمݨ
• ڈیالسِز ۔ ڈاکٹر انوار احمد اعجاز
• ترکھاݨا کَم ۔ صدیق بابر

ہور کتاباں

• پنجابی کلاسیکی لُغت ۔ جمیل احمد پال
• پنجابی قاعدہ ۔ جمیل احمد پال
• پنجابی کِویں لِکھیے؟ ۔ جمیل احمد پال
• اِمتحان وچ چوکھے نمبر ۔ جمیل احمد پال
• زبان دا قتل ۔ اشرف سہیل
• ساڈی ماݨو ۔ اشرف سہیل
• عالمگیری اسلام ۔ سلیمان آئزک
• لہُو رَنگ دھرتی ۔ ایرک میریا

اتا پتا

24۔ امیر روڈ، بلال گنج، لاہور 54000 ۔

ہور دیکھو

• اردو سائنس بورڈ
• پنجابی ادبی بورڈ
• پاکستان پنجابی ادبی بورڈ
• پنجابی بال ادبی بورڈ
• مہکاں پنجابی ادبی بورڈ
• پنجابی کھوج گڑھ