پاکستان چ انسانی سمگلنگ

پاکستان عورتاں ، مرداں تے بچےآں دی انسانی سمگلنگ دا منبع ، ٹرانزٹ تے پہنچن دی تھاں اے ، جنہاں نوں جبری مشقت تے جنسی زیادتی لئی ورتیا جاندا اے ۔ انسانی ٹریفکنگ دا وڈا مسئلہ ،جبری مزدوری اے ، جہڑی بوہتی سندھ تے پنجاب چ واہی ویجی تے اٹاں دے بھٹھےآں اتے کروائی جاندی اے ، تے کجھ حد تک کانکنی تے قالین بنان چ وی کروائی جاندی اے ۔ جبری مزدوری دے شکار بچےآں ، عورتاں تے مرداں دی گنتی دا آنکڑا 10 لکھ توں ودھ لایا جاندا اے ۔ جدوں ایہ جبری مزدور اس لعنت خلاف آواز چکدے نیں تے جاگیرداراں ولوں اینہاں تے اینہاں دے ٹبراں نوں اغوا کر لیا جاندا اے ۔

بچےآں دی ٹریفکنگ

کڑیاں تے منڈےآں نوں خریدیا ، ویچیا ، کرايے اتے دتا جاندا اے ، جاں فیر بھیکھ منگن آلے ٹولے چ منگ لئی، گھریلو ملازماں ، جنسی زیادتی لئی تے زراعت چ جبری مزدوری لئی اغوا کر لیا جاندا اے ۔

کڑیاں تے عورتاں جبری ویاہ لئی وی ویچیاں جاندیاں نیں ۔

این او جی تے پولیس رپورٹاں موجب پاکستان چ عورتاں تے کڑیاں نوں جنسی زیادتی تے کم کرن لئی خریدیا تے ویچیا جاندا اے ۔ نان سٹیٹ ملیٹنٹ گروپ بچےآں نوں اغوا جاں فیر ماں پیؤ نال جھوٹھے وعدے کرکے 12 سال تک دے بچےآں نوں لے جاندے نیں تے اوہناں نوں لڑن ، جسوسی کرن جاں فیر خودکش بمبار بنا دیندے نیں ۔ایہ دہشت گرد اکثر بچےآں نال جنسی تے جسمانی زیادتی کردے نیں تے نفسیاتی طور اتے اینہاں نوں اینج تیار کردے نیں کہ اوہ سمجھن کہ جہڑا کم اوہ کرن چلے نیں ، ٹھیک اے۔

ہور ویکھو

• پاکستان چ انسانی حق
• پاکستان چ جنسی زیادتی