پاکستان سٹاک ایکسچینج

پاکستان سٹاک ایکسچینج
Pakistan Stock Exchange

P S X

دیس : پاکستان
ہیڈکوارٹر : کراچی
اتھارٹی : پاکستان اسٹاک ایکسچینج لمیٹیڈ
بݨݨ تریخ : 11 جنوری 2016
قِسم : سرکاری
چیئرمین :
چیف ایگزیکٹِڡ آفیسر :
حُجم : 3.37 بِلیئن رُپیز
کرنسی : پاکستانی روپیا
ویب سائیٹ : پاکستان سٹاک ایکسچینج
پاکستان سٹاک ایکسچینج

پاکستان اسٹاک ایکسچینج (Pakistan Stock Exchange) (P S X) پاکستان دی سٹاک ایکسچینج اے ۔ ایہدا ہیڈ کوارٹر کراچی وچ اے ۔ پاکستان سٹاک ایکسچینج پاکستان دیاں 3 سٹاک ایکسچینجاں لہور ، اسلام آباد تے کراچی نوں ملا کے تیار کیتی گئی اے ۔ ایہدا افتتاح 11 جنوری 2016 نوں وفاقی وزیر خزانا نے کیتا ۔ ایہ اپݨی نوعیت دی پہلی اسٹاک ایکسچینج اے ۔ ایتھے 400 توں زیادہ بروکر موجود نیں ۔ ایہدے وچ بیک وقت 3 مارکیٹاں وچ اکٹھی ٹریڈنگ ہوسکدی اے ۔ تریخ وچ 100 انڈیکس وچ پاکستان اسٹاک ایکسچینج دی بلند ترین سطح 2017 وچ (53103) پوائنٹس سی ۔

تریخ سودھو

پاکستان اسٹاک ایکسچینج 11 جنوری 2016 وچ اس وقت وجود وچ آئی جَد حکومت پاکستان نے پاکستان دیاں 3 سٹاک ایکسچینجاں لہور ، اسلام آباد تے کراچی نوں ضَم کَر کے اک سٹاک ایکسچینج وچ بدلݨ دا فیصلا کیتا ۔ دنیا وچ کِتوں وی اس سٹاک ایکسچینج وچ آئن لائن حصص دی خرید و فروخت ممکن اے ۔

کراچی اسٹاک ایکسچینج سودھو

کراچی سٹاک ایکسچینج پاکستان دی سبھ توں بڑی اسٹاک مارکیٹ سی ۔ ایہ 18 ستمبر 1947 نوں قائم کیتی گئی ۔ ایہدا صدر دفتر آئی آئی چندریگر روڈ اُتے واقع سی جیہڑا ہُݨ پاکستان اسٹاک ایکسچینج دا صدر دفتر اے ۔ 2009 وچ بلوم برگ نے کراچی اسٹاک ایکسچینج نوں دنیا دی تیسری سَبھ توں بہتر مارکیٹ تسلیم کیتا سی ۔

 
برطانوی وزیر خارجا وِلیئمم ہویج کراچی اسٹاک ایکسچینج بَند ہوݨ دی گھنٹی بجوندے ہوئے

لہور اسٹاک ایکسچینج سودھو

لہور اسٹاک ایکسچینج پاکستان لہور وچ واقع سی ۔ ایہ پاکستان وچ دوسری بڑی اسٹاک مارکیٹسی ۔ ہُݨ ایہ پاکستان اسٹاک ایکسچینج دا حِصا اے ۔ ایہدا قیام 1969 دے اک آرڈینسن دے تحت 1970 وچ کیتا گیا ۔

اسلام آباد اسٹاک ایکسچینج سودھو

اسلام آباد اسٹاک ایکسچینج پاکستان دیی تیسری مارکیٹ سی ۔ ایہدا قیام 25 اکتوبر 1989 نوں عمل وچ لیاندا گیا ۔ ایہدی 22 منزلہ عمارت آئی ایس ای ٹاور کہلوندی اے ۔ ایہ ہُݨ پاکستان اسٹاک ایکسچینج دا حِصا اے ۔

انضمام سودھو

11 جنوری 2016 نوں حکومت پاکستان دے فیصلے دے تحت ملک دیاں تِنو مارکیٹاں نوں ملا کے پاکستان اسٹاک ایکسچینج بݨائی گئی ۔ ہُݨ پاکستان وچ ای نئیں بلکہ دنیا وچ کِتوں وی ایہدے وچ براہ راست کاروبار کیتا جاسکدا اے ۔