آبنائے جبل الطارق

آبنائے جبل الطارق
آبنائے جبل الطارق، جِداں کہ خلاء توں دیکھیا جاندا اے۔ جزیرہ نما آئیبیریا کھبے پاسے آ، تے شمالی افریقا سجے پاسے آ۔
مقام	بحر اوقیانوس – رومی سمندر
قسم	آبنائے
طاس ملکاں	جبل الطارق مراکش سپین
ودھ تو‏ں ودھ گہرائی	۹۰۰ میٹر (۲٬۹۵۳ فٹ)

آبنائے جبل الطارق (انگریزی: Strait of Gibraltar)، اک آبنائے آ جو بحر اوقیانوس نوں رومی سمندر نال جوڑدی اے تے سپین تے مراکش نوں الگ کردی اے۔ آبنائے دے شمال وچ سپین تے جبل الطارق تے جنوب وچ مراکش اے۔

آبنائے براعظم یورپ تے براعظم افریقا نوں 13 کلومیٹر (8.1 میل؛ 7.0 ناٹیکل میل) سمندر دے ذِریعے سپین وچ پوائنٹ ماروکی تے مراکش وچ پوائنٹ سائرس دے درمیان آبنائے دے تنگ ترین مقام توں الگ کردی اے۔ آبنائے دی گہرائی 300 تے 900 میٹر (980 تے 2,950 فٹ؛ 160 تے 490 فیتھمس) دے درمیان اے۔ ایہدی کم از کم لمبائی 13 کلومیٹر اے۔

آبنائے، مراکش، سپین تے جبرالٹر دے علاقائی سمندر وچ واقع آ۔ سمندر دے قانون دے متعلق اقوام متحدہ دے کنونشن دے تحت، غیر مُلکی جہازاں تے ہوائی جہازاں نوں مسلسل نقل و حمل دی صورت وچ آبنائے جبل الطارق نوں عبور کرن لئی نیویگیشن تے اوور فلائٹ دی آزادی اے۔

ایہ نام چٹان جبل الطارق توں ماخوذ اے، جیہدی ابتداء جبل طارق ("طارق دا پہاڑ") توں ہوئی اے۔ ایہدا نام طارق بن زیاد دے نام اُتے رکھیا گیا اے۔ لفظ جبرالٹر، جبل الطارق دی بدلی ہوئی شکل اے۔

حوالے