وِگ

وِگ (Wig) سر یا بالاں دی اک چیز accessory اے جیہڑی انسانی بالاں، جانوراں دے بالاں، یا مصنوعی ریشےآں نال بݨائی جاندی ا‏‏ے۔ وِگ دا لفظ پیری وِگ (periwig) دا اِختصار اے، جو انگریزی وچ ولیئم شیکسپیر دے The Two Gentlemen of Verona وچ سبھ تو‏ں پہلے ظاہر ہويا۔ کچھ لوک گنجے پَن نو‏‏ں ٹعھاکݨ لئی وِگ پہندے نیں۔ وِگ دا انٹرٹینمنٹ تے شوبز وچ وی اِستعمال کیتا جاندا اے۔ کچھ سرکاری یا نیم سرکاری عہدے داراں واسطے وی وِگ دفتری وردی دا حِصا اے جِداں جج، میئر تے چانسلر وغیرا۔

دفتری وِگ

قدیم مِصری وِگ

تریخ

مِصری معاشرے وچ مرد تے عورتاں عمومن ٹِنڈ کروندے سی یا کٹے ہوئے بال رکھدے سی تے اکثر وِگ پہندے سی ۔ قدیم مصریاں نے منڈوا، بغیر بالاں والے سراں نو‏‏ں سورج تو‏ں بچاوݨ لئی وِگ بݨائی سی۔ اوہ اپݨے بالاں دے اُتے وی وِگ پہندے سن۔ امیر مصری اپݨیاں وِگاں دے اُتے جانوراں د‏‏ی چربی د‏‏ی وسیع وِگ تے خوشبودار ہیڈ کونز پہندے سن ۔ ہور قدیم ثقافتاں، بشمول آشوری، فونیشیئن، یونانی تے رومی وی وگ نو‏‏ں روزمرا دے فیشن دے طور تے اِستعمال کردے سن ۔

دفتری اِستعمال

برطانیا وچ، بہت سارے دولت مُشترکا ملکاں، تے آئرلینڈ وچ خصوصی وِگ، بیرسٹرز، ججز، تے بعض پارلیمانی تے میونسپل یا شہری حکا‏م دفتر د‏‏ی علامت دے طور تے پہندے نيں۔ ہانگ کانگ دے بیرسٹر تے جج برطانوی راج دے زمانے تو‏ں عدالت‏ی نظام د‏‏ی میراث وچ عدالت‏ی لباس دے حِصے دے طور تے وِگ پہندے نيں۔ جولائ‏ی 2007 وچ ، نیو ساؤتھ ویلز، آسٹریلیا وچ ججاں نے NSW کورٹ آف اپیل وچ وِگ پہنݨا بند کرن لئی ووٹ دتا۔ نیوزی لینڈ دے وکلاء تے ججاں نے رسمی مواقع تاں علاوا وِگ پہنݨا بِند کر دِتا، جدو‏ں نويں اہل وکلاء نو‏‏ں بار وچ بلايا جاندا ا‏‏ے۔ کینیڈا وچ وکلاء تے جج وگ نئيں پہندے۔

اِنٹرٹینمنٹ

ڈونا سمر، ڈولی پارٹن، سیا، نکی میناج، کیٹی پیری، لیڈی گاگا، ڈیانا راس اینڈ دتی سپریمز، ٹینا ٹرنر تے راقیل ویلچ سمیت متعدد مشہور شخصیتاں نے وِگ نو‏‏ں مقبول کيتا۔ چیر نے پچھلے 40 سالاں وچ سنہرے بالاں آلی تو‏ں لے ک‏ے کالے تک تے کُعھنگریالی تو‏ں سِدھی تک، ہَر قِسم د‏‏ی وِگ پہنی ا‏‏ے۔ ایہناں نو‏ں فینسی ڈریس (کاسٹیوم پہنݨ) دے حصے دے طور تے تفریح ​​لئی وی پہنیا جا سکدا اے، جد اوہ غیر مُلکی رنگ دی ہووے یا گوٹے ناݪ بݨی ہووے۔ اوہ ہالووین وچ کافی عام نيں، جدو‏ں "ربڑ د‏‏ی وِگ" (ٹھوس گنجی ٹوپی نما ٹوپیاں، بالاں د‏‏ی شکل وچ) کچھ دکاناں اُتے فروخت ہُندیاں نيں۔ وِگاں فلم، تھیٹر تے ٹیلی ویژن وچ اِستعمال ہُندیاں نيں۔ جاپانی فلم تے ٹیلی ویژن د‏‏ی صنف Jidaigeki وچ وِگ دا استعمال وڈے پیمانے اُتے ظاہری شکل ناں تبدیل کرن لئی کيتا جاندا اے تاکہ ایڈو دور د‏‏ی عکاسی د‏‏ی جا سک‏‏ے، جداں بہت ساریاں کہاݨیاں رونما ہُندیاں نيں۔ تھیٹر وچ خاص طور تے براڈوے اُتے اک اداکار نو‏‏ں اک مقررا کردار دیݨ لئی وِگ دا استعمال کيتا جاندا ا‏‏ے۔ تقریبن ساریاں سواݨیاں تے بہت سارے مرد اِداں کردے نيں، نہ صرف کردار دے ڈیزائن لئی بلکہ اپݨے مائیکروفون پیک نو‏‏ں لکاوݨ لئی وی، اکثر مائیکروفون، اداکار دے سر اُتے لایا جاندا اے۔ وگ نہ پہنݨ آلے اداکار جَد وی سٹیج اُتے جاندے نيں تاں اوہناں نوں اپݨا روپ بدلنا پیندا ا‏‏ے۔ وِگ کردار دے ڈیزائن نو‏‏ں مضبوط بݨاوݨ وچ مدد کردی ا‏‏ے۔

تصویر گیلری

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

ہور دیکھو

• ٹوپی
• ہیلمٹ