وارسا پیکٹ

وارسا پیکٹ گھبلے تے چڑھدے یورپ دیاں اشتراکی ریاستاں دے وچکار طے پان آلا اک معاہدہ سی ۔ اس معاہدے تے دستخط 14 مئی 1955ء چ پولینڈ دے راجگھر وارسا چ کیتے گئے ۔ معاہدے دے تحت جے کسے وی معاہدے آلے دیس تے حملہ ہوئے تے دوجے دیس اس دا دفاع کرن گئے ۔ ایہہ معاہدہ 1955ء چ لہندے جرمنی دی نیٹو چ شمولیت دی وجہ توں سویت یونین نے کروائیا ۔ وارسا معاہدہ اصل چ نیٹو دا اشتراکی توڑ تے مقابلہ سی ۔

ناں

اس معاہدے دا باضابطہ ناں دوستی ، تعاون تے باہمی مدد دا معاہدہ اے پر لہندے چ وارسا پیکٹ دی اصطلاح عام ورتی جاندی اے ۔

رکن دیس

البانیا 01968ء تک) ، بلغاریہ ، چیکوسلواکیہ(1960ء توں)، چڑھدا جرمنی ، ہنگری ، پولینڈ ، رومانیہ (1965ء توں) تے سویت یونین اس معاہدے رکن سن ۔

وارسا پیکٹ دے رکن دیساں نے حملے دی صورت چ اک دوجے دا دفاع کرن دا وعدہ کیتا ، معاہدے چ ایہہ کہا گئیا کہ ایہہ ملک اک دوجے دےاندرونی معاملےآں چ دخل نئیں دین گئے تے اک دوجے دی قومی سلامتی تے آزادی دا احترام کرن گئے ۔

خاتمہ

وارسا معاہدہ 1991ء چ زیادہ تر اشتراکی حکومتاں تے سویت یونین دے ٹٹن مگروں ختم ہو گئیا ، ایس دا باقاعدہ اعلان یکم جولائی 1991ء چ پراگ چ اک اجلاس دے دوران کیتا گئیا ۔ 12 مارچ 1999ء نوں وارسا پیکٹ ھیاں سابق رکن ریاستاں ہنگری ، پولینڈ تے چیک جمہوریہ نے نیٹو چ شمولیت اختیار کر لئی ۔ بلغاریہ ، اسٹونیا ، لتھوانیا ، رومانیہ تے سلواکیا مارچ 2004ء چ نیٹو دا حصہ بنے جدوں کہ البانیہ یکم اپریل 2009ء نوں شامل ہوئیا