نجات
| نجات | |
|---|---|
| قسم | فیملی ڈراما |
| لکھاری | اصغر ندیم سید |
| ہدایت کاری | ساحرہ کاظمی |
| ستارے | عتیقہ اوڈھو ہما نواب لطیف کپاڈیا مرینا خان نعمان اعجاز ساجد حسن دردانہ بٹ |
| دیس | پاکستان |
| بولی | اُردو، پنجابی |
| قسطاں | 18 |
| پروڈکشن | |
| پروڈیوسر | ساحرہ کاظمی |
| Editor(s) | نعیم صدیقی |
| Location(s) | گھارو، پاکستان |
| ریلیز | |
| اصل نیٹورک | پی ٹی وی |
| اصل ریلیز |
۱۹۹۳ء |
نجات (Nijaat)، پاکستان ٹیلی ویژن کارپوریشن، کراچی سینٹر دا اک ڈراما اے جیہڑا 1993ء وچ نشر ہویا۔ ڈرامے وچ پاکستان وچ عورتاں دے مُختلف کردار تے مسائل دی عکاسی کیتی گئی اے۔ ایہ خاندانی منصوبہ بندی، چائلڈ لیبر دے خاتمے تے کمِیوُنِٹی ہیلتھ اصلاحات اُتّے زور دین٘دا اے۔ ڈراما اردو زبان وچ بݨایا گیا اے پَر وچ وچاݪے اردو دے ناݪ پنجابی زبان دی ورتوں وی کیتی گئی اے۔ ڈرامے دِیاں اٹھاراں قِسطاں نیں۔ ڈرامے دی ڈائریکٹر ساحرہ کاظمی نیں تے لکھاری اصغر ندیم سید نیں۔
پلاٹ
سودھوایہ ڈراما اک بستی وچ تن خانداناں دیاں آپس وچ جُڑیاں کہاݨیاں اُتے مبنی اے: زرینہ، اک ہیلتھ ورکر، تے اوہدا خاندان؛ ساجدہ تے حضور بخش، جیہناں دے اینے بچّے نیں کہ ساجدہ دی صحت خراب رہندی اے۔ تے علی اسد، اک مقامی اسسٹنٹ کمشنر تے اوہدی بیوی تانیا۔ ڈراما ایہناں دیاں آسّاں تے مایوسّیاں دی نشاندہی کردا اے۔ اوہ ماضی نوں قربان نہ کرن دی کوشش کردے ہوئے اک بہتر مستقبل لئی جدوجہد کردے نیں۔
سماجّی اثرات
سودھوآفتاب ایسوسی ایٹس (پرائیویٹ) لمیٹڈ، لاہور، پاکستان دے ذریعے جانز ہاپکنز یونیورسٹی/ پاپولیشن کمیونیکیشن سروسز (JHU/PCS) نوں معاہدے اُتّے ایس ڈرامے دے سماجّی اثرات دا جائزہ لیݨ لئی اک سٹڈی کیتی گئی۔ ایس سٹڈی لئی انٹرنیشنل ڈویلپمنٹ ریسرچ سینٹر (IDRC)، کینیڈا نے تعاون فراہم کیتا سی۔ 'نجات' (تے انڈونیشیا دے 'الانگ-الانگ') دے معیاری جائزیاں توں نتائج دی افادیت JHU/PCS تے فِلم سازاں دے درمیان مزید تعاون دا باعث بݨی اے۔
کاسٹ
سودھو| کردار | اداکار | تفصیل |
|---|---|---|
| حضور بخش | نعمان اعجاز | اک شکاری جیہڑا بعد وچ ہٹّی چلاؤندا اے |
| ساجدہ | عتیقہ اوڈھو | اک گھریلو عورت جیہنوں نیاݨے جمݨ تے گھر دیاں دوجیاں سیاپیاں دا سامݨا کرنا پیندا اے |
| زرینہ | ہما نواب | مقامی سرکاری ہسپتاݪ وچ نرس |
| علی اسد | ساجد حسن | تحصیل دا اسسٹنٹ کمشنر تے طبی ڈاکٹر |
| تانیا | مرینا خان | اسسٹنٹ کمشنر دی گھر آݪی، جیہڑی پہلاں ماڈلِنگ کردی سی |
| مخدوم | لطیف کپاڈیا | تِن نیاݨیاں دا پیو، جیہنوں اپݨے نیاݨیاں دی کوئی پرواہ نئیں |
| قادر بخش | یوسف علی | حضور بخش دا بھراء، جیہڑا دبئی توں آیا تے نیاݨے سمگل کردا اے |
| ماسی تقدیراں | سلما ظفر | رِشتے کراؤݨ آݪی مائی تے دائی |
| استاد جی | ملک انوکھا | مقامی ہوٹل دا مالک |
| زہرہ خاتون | ریحانہ اختر | مذہبی پرچارک |
| کاشی | سجاد حسن | حضور بخش دا پُتر، جہیڑا نیاݨے اغوا کرن واݪے گروہ دے ہتھے چڑھ جان٘دا اے۔ قادر پخش دا گروہ نیاݨے اغواء کرکے کشتی وچ خلیجی دیساں وَل لے جان٘دا اے پر کشتی سمندر وچ ای پھڑی جان٘دی اے تے برآمد ہوݨ واݪے نیاݨیاں و،چوں کاشی وی لبھ جان٘دا اے |
| تاری | عماد حسن | حضور بخش دا پُتر |
| کلثوم | قرۃ العین | حضور بخش دی بھیݨ |
| رضیہ | عائشہ ثاقب | زرینہ دی بھیݨ |
| ننّھا | نبیل نور | زرینہ دا بھراء |
| ماسٹر جی | نثار قادری | سکول دا استاد |
| مولوی | طارق ترمذی | مدرسے دا مولوی |
| کمپاؤنڈر | نعیم صدیقی | مقامی سرکاری ہسپتاݪ دا کمپاؤن٘ڈر |
| سرمد | اسلم لاٹر | بستی دا خودساختہ آگُو |
| سانسی بابا | یعقوب زکریا | پکھی واس |
| سانسی سواݨی | نجمہ علی | پکھی واس سانسی بابے دی دھی |
| صحافی | یوگل شرما | جیہدا زخمی پُتر دوران علاج مر جان٘دا اے۔ |
موسیقی
سودھو| لڑی نمبر | سرلیکھ | گلوکار | لمبائی |
|---|---|---|---|
| 1. | "میرا درد نغمہ بے صدا" | نیرہ نور | |
| 2. | "زرد مِٹی کی آغوش میں" | ٹینا ثانی | |
| 3. | "دیکھتے ہی دیکھتے ہمیں پیار ہُوا" | عالمگیر | |
| 4. | "پُھول برسیں پیار کی راہوں میں" | عالمگیر |