نامیاتی کھاد

جیوک کھاد یا دیسی کھاد چ ڈنگراں دا مل موتر تے ڈیری فارم توں ملدی رہند کھوندھ یعݨی روڑی دی کھاد، کمپوسٹ کھاد، مرغیاں دی کھاد تے کھیتی اپج آدھارت کارخانیاں توں ملن آلی رہند کھوندھ شامل اے۔ ایہناں وچوں روڑی کھاد سبھ توں ودھ جانی پچھانی اے۔ ایسے طرحاں ہری کھاد توں بھاو کھیت وچ کسے وی فصل دے ہرے معدے نوں زمین وچ دبن توں اے تاکہ ایہ دبی فصل گل سڑ کے بعد وچ بیجی فصل لئی کھاد دا کم کرے۔

روڑی دی کھاد

روڑی دی کھاد مکھ طور تے پسواں دے مل موتر توں تیار ہندی اے۔ ایہدے خوراکی تتاں دی مقدار، کھاد سنبھالن تے تیار کرن دے ڈھنگ طریقے تے روڑی دے چنگی طرحاں گلن سڑن تے نربھر کردی ا۔ روڑی وچّ تتاں دی ماترا، پشواں دی قسم، صحتَ، خوراک، پسواں دی عمر تے اوہناں ہیٹھ بچھائی گئی سکّ تے وی نربھر کردی اے۔ چنگی گلی سڑی روڑی وچ تقریباً 1.2-2.0 فیصدی نائیٹروجن، 05.-0.7 فیصدی فاسفورس اتے 1.2-2.6 فیصدی پوٹاشیم دی ماترا ہندی اے۔ اس توں علاوہ روڑی وچ 02.-3.8 فیصدی کیلشیم، 0.2-0.7 فیصدی میگنیشیم تے 0.3-0.5 فیصدی تک گندھک تت وی ہندا اے۔ اک ٹن چنگی طرحاں گلی سڑی روڑی کھاد وچ 80-160 گرام زنک، 10-110 گرام تانبا، 2000-3500 گرام لوہا، 100-340 گرام مینگانیز، 12-72 گرام بورون اتے 1-18 گرام مولیبیڈینم ہندا اے۔

حوالے