میڈل
میڈل یا تمغا اک چھوٹی جئی معدنی تختی اے جیہدے اُتے کوئی کتبا یا نمونا ثبت ہووے ، جو کسے مشہور واقعے یا موقعے دی یادگار ہووے ۔ دور حاضر وچ لفظ میڈل دا ایہی مخصوص مفہوم اے پر ازمنہ وسطی وچ میڈلاں تے ٹھیپےآں وچ باہم امتیاز نئیں کیتا جاندا سی ۔ میڈل سازی دا فن چودھویں تے پندرھویں صدی دے درمیان وچ اپݨے عروج نوں پہنچ گیا ۔ اس سلسلے وچ فرانسیسی تے ولندیزی کارخانے میڈل سازی کلئی مشہور ہوئے ۔ انگلینڈ وچ سولویں صدی توں میڈل بݨائے جاندے سی ۔ جنگ واٹر لو 1815 توں جنگی میڈل باقاعدا دتے جاندے سی ۔ بہادری ، جُرئت تے نمایاں کارگزاری واسطے وی میڈل بݨائے جاندے نیں ۔ وکٹوریا کراس دا آغاز 1856 وچ ہویا تے اس طرحاں دوسرے برطانوی میڈل مختلف وقتاں وچ رواج وچ آگئے ۔ شہنشاہ ایڈورڈ (چھیویں) دے زمانے توں تاجپوشی دے میڈل مسلسل دتے جاندے نیں ۔ پاکستان وچ مختلف قسم دے تمغے شجاعت، کار گزاری، سماجی خدمات وغیرہ تے دتے جاندے نیں ۔ پاکستان دا اعلا ترین فوجی اعزاز نشان حیدر اے ۔ اس توں علاوا اولمپک کھیلاں تے اسی نوعیت دے دوجے مقابلےآں وچ پہلے، دوسرے تے تیسرے نمبر اُتے اوݨ آلے کھلاڑیاں نوں سونے، نقرئی تے کانسی دے تمغے دتے جاندے نیں ۔
.jpg)
