میراں موج دریا بخاری
آپ دا اصل ناں میراں محمد شاہ سی۔ عرفِ عام وچ حضرت موج دریا بخاری رحمتہ اللہ علیہ کہیا جاندا اے،بخاری سادات وچوں سن۔
ولادت
سودھوآپ رحمۃ اللہ علیہ1533ء وچ " اوچ شریف" وچ پیدا ہوئے۔
حضرت میراں محمد شاہ بخاری المعروف موج دریا بخاری 1533، 940ھ اوچ شریف وچ پیدا ہوئے۔ ایہ مغل بادشاہ نصیرالدین ہمایوں دا زمانہ سی۔ آپ دا ناں محمد شاہ رکھیا گیا۔ آپ دے والد دا ناں سید صفی الدین سی۔ آپ نے ابتدائی تعلیم اپنے والد توں حاصل کیتی۔ حضرت موج دریا نے چند سالاں وچ قرآن حکیم ناظرہ فیر حفظ پڑھ لیا۔ آپ دی عظمت و فضیلت دے قصے شہنشاہ جلال الدین اکبر نے وی سنے تے متاثر ہو کے حضرت موج دریا نوں بٹالہ وچ 2 لکھ روپے دی جاگیر عطا فرمائی۔ لاہور پہنچ کے آپ نے بے شمار ہندوآں نوں اسلام دی روشنی توں منور کیتا۔ انہاں نے دو شادیاں کیتیاں پہلی زنانی دا ناں بی بی کلاں سی تے دوسری اہلیہ دا ناں عفیفہ فورنگ بی بی سی۔ حضرت موج دریا دا مزار ایڈورڈ روڈ لاہور اُتے اے۔ موج دریا اکبر بادشاہ دے دور وچ 73 سال دی عمر وچ وصال کر گئے۔
سلسلۂ نسب
سودھومیراں محمد شاہ بن سید صفی الدین بن سید نظام الدین بن سید علم الدین ثانی بن سید جلال الدین بن سید علم الدین اول سید ناصر الدین بن سید جلال الدین مخدوم جہانیاں جہان گشت بن سید احمد کبیر بن سید شیر شاہ جلال الدین الا عظم امیر سرخ بخاری رحمتہ اللہ علیہم۔
مصدقہ شجرہ حضرت سید محمد شاہ نقوی البخاری المعروف میراں موج دریا بخاری متوفی 17 ربیع الثانی 1013 ہجری مزار ۔ لاہور
سید محمد شاہ بن سید صفی الدین بن سید نظام الدین بن سید علیم الدین بن سید جلال الدین ثالث بن سید علم الدین بن سید ناصرالدین محمود بن سید حسین جلال الدین بخاری ثانی المعروف جہانیاں جہان گشت (707 ھ توں 785 ھ ) بن سید احمد کبیر بن سید حیدر لقب جلال الدین بخاری المعروف سرخ پوش بخاری ( ولادت 595 ھ در بخارا وفات 690 ھ مزار اوچ شریف ضلع بہاوالپور ) بن سید ابوالموید علی بن سید جعفر ثالث بن سید ابوالفتح محمد بن سید محمود بن سید ابی یوسف احمد بن سید عبداللہ بن سید علی الاشقر بن سید جعفر الزکی بن حضرت امام علی نقی علیہ السلام
سیرت تے خصائص
سودھولاہور وچ آمد تذکرۃ الا ولیاء،کرام وچ لکھیا اے کہ جدوں شہنشاہ اکبر توں قلعہ چتوڑ فتح نہ ہو سکیا تو اس نے درباریاں دے کہنے اُتے آپ توں دعا دے لیئ استدعا دی چنانچہ تساں دی دعا توں قلعہ فتح ہو گیا تو بادشاہ نے آپ توں لاہور وچ اقامت گزین ہونے دی درخواست دتی جو تساں نے منظور فرمائی تے ایتھے چلے آئے، بقول مصنف ،تحقیقات چشتی، بادشاہ نے آپ دے ناں نو لکھ روپیہ دی جاگیر علاقہ بٹالہ وچ وقف کردتی،رائے بہادر کہنیا مصنف، تریخ لاہور، نےلکھیا اے کہ بادشاہ نے بہ کمال ارادت دو لکھ روپے دی جاگیر درویشان خانقاہ دے خرچ دےلیئ دتی سی، سید محمد لطیف نے لکھیا اے جائداد اک لکھ روپے دی اے، کہیا جاندا اے کہ اوہ فرمان جس دی رو توں ایہ جاگیر حضرت سید میراں محمد شاہ رحمتہ اللہ علیہ دی نذر ہوئی سی حالے تک اس خاندان دے کول محفوظ اے،اس شہنشاہ اکبر دی مہر تے اس دے دستخط موجود نیں ۔ جدوں تساں لاہور تشریف لائے تو تساں نے علوم ظاہری و باطنی دی تاریج کےلیئے ہر ممکن کوشش دی، فیضان حق نوں حاصل کرنے دے لئی دور دراز توں لوک لاہور وچ تساں دی خدمت اقدس وچ حاضر ہُندے تو اپنے دامن نوں انہاں نعمتاں توں مالا مال کر دے، تساں نے ایتھے درس و تدریس دا خاص انتظام فرمایا، فقر تے خا د ماؤں دے لئی مکانات بنوائے،لنگر خانہ قائم کیتا، لاہور دے لنگر خانہ دے علاوہ آنجناب نے دو تے لنگر خانہ بٹا لہ تے خان فتا وچ قائم کیتے۔
شہنشاہ اکبر نے1567 ع وچ ریاست میواڑ اُتے حملہ کیتا راجپوتاں توں ڈٹ کر مقابلہ ہویا چتوڑ دا قلعہ اپنی مضبوطی گولہ بارود تے سامان حرب دے لحاظ توں اکبری افواج دے لئی آسان نہ سی کہ اسنوں فتح کر لیتے میواڑی راجپوتاں نے بہادری دے اوہ جوھر دکھائے کہ اکبری افواج دے حوصلے پست ہو گئے . جدوں کوئی صورت نظر نہ آئی تے مادی طاقتاں جواب دے گئاں تو شہنشاہ اکبر نے اپنا اک خاص نمائندہ آستانہ جلالیہ اوچ شریف حضرت سید صفی الدین بخاری دی خدمت وچ بھیجا .جنگ دی تمام کیفیت بیان دی شاہی نمائندے نے حضرت دے سامنے شہنشاہ اکبر دی درخواست پیش دی حضرت نے دعا فرمائی تے ارشاد فرمایا کہ مولا کریم شاہ مردان شیر یزدان دے طفیل فتح عطا فرمائے گا. ہمارا فرزند سید محمد شاہ موج دریا اے اوہ وی موقع اُتے پہنچ جائے گا. چنانچہ ایسا ای ہویا 23 فروری 1568 ع نوں جنگ ہوئی تے سید موج دریا دے طفیل فتح نصیب ہوئی . اکبر نے تساں دی زندگی وچ ای تساں دا روضہ مبارک تعمیر کر دتا. تے بٹالہ انڈیا وچ کافی جاگیر عطا فرمائی .
اولاد
سودھوآپ نے دو ویاہ کیتے پہلی شادی سید عبدالقادر ثالث گیلانی مدفون لاہور دی دختر سیدہ فاطمہ توں دی جنہاں دے بطن توں دو فرزند سید صفی الدین (مولف انساب جلالی ) تے سید بہائوالدین پیدا ہوئے . دوسری شادی بی بی نورنگ صاحبہ توں دی تے انہاں دی رہائش بٹالہ انڈیا وچ رکھی انہاں دے بطن توں سید شہاب الدین متولد ہوئے .آپ نے 17 ربیع الثانی 1013 ہجری نوں بٹالہ وچ وفات پائی جتھے تہاناں غسل وکفن دتا گیا تے تساں دا جنازہ اک جلوس دی شکل وچ بٹالہ توں لاہور لایا گیا تے پہلے توں تعمیر شدہ روضہ وچ دفن کر دتا گیا.
تریخِ وصال
سودھوحضرت سید میراں محمد شاہ موج دریا بخاری لاہوری رحمۃ اللہ تعالیٰ علیہ نے 17 ربیع الثانی 1013 ھ/بمطابق ستمبر 1604 ء وچ وصال فرمایا۔
باہرلےجوڑ
سودھو- [حضرت سید محمد شاہ نقوی البخاری المعروف میراں موج دریا بخاری /http://www.ziaetaiba.com/ur/scholar/hazrat-syed-meeran-muhammad-shah-moj-darya-bukhari-lahori Archived 2020-09-24 at the وے بیک مشین]