مہارانی مہندر کور

مہارانی مہیندر کور جہناں نوں ستکار نال راج ماں کیہا جاندا سی دا جم 14 ستمبر 1922 نوں پرجاتنتر لہر دے موڈھی سر ہرچند سنگھ جیجی اتے ماں مہتاب کور دے گھر سنگرور ضلعے دے دور دراڈے اتے پچھڑے ہوئے پنڈ کڑل وکھے ہویا۔ آپدے پیؤ اک رجے پجے گھرانے وچوں سن، اس لئی اوہناں نے آپدی پڑھائی لاہور دیں کوئن میری کالج توں کروائی۔ آپدا ویاہ پٹیالہ ریاست دے مہاراجہ یادوندر سنگھ نال 16 سال دی عمر وچ ہی 1938 وچ ہو گیا سی۔ آپدے دو لڑکے کیپٹن امریندر سنگھ وزیر اعلیٰ پنجاب، راجا مالوندر سنگھ، دو لڑکیاں ہمندر کور اتے رپندر کور ہن۔ آپدی وڈی لڑکی کنور نٹور سنگھ نوں ویاہی ہوئی اے جو بھارت دے وزیر خارجہ رہے ہن۔ آپدا وڈا لڑکا کیپٹن امریندر سنگھ پنجاب دا مکھ منتری اے اتے نونہہ مہارانی پرنیت کور مرکزی ودیش راج منتری رہے ہن۔ دیس دی ونڈ ویلے بہت سارے رفیوجی پٹیالہ آئے تاں آپ نے 1947 توں 49 تک ریفیوجیاں دے مڑ وسیبے دے پٹیالہ ریاست ولوں کیتے جا رہے پربندھاں دے کم-کار دی نگرانی نجی دلچسپی لے کے کردے رہے۔ آپ 1953–66 تک چیئرپرسن سمال سیونگ بورڈ پیپسو اتے پنجاب اتے 1953–70 میمبر نیشنل سیونگز سینٹرل ایڈوائیزری کمیٹی رہے۔

استوں علاوہ پنجاب شوشل ویلفیئر بورڈ دے چیئرپرسن 57-60 اتے اپ چیئرپرسن نیشنل سیونگز ایڈوائیزری کمیٹی 57-70 ہندے ہوئے پنجاب اتے مدھ پردیش دے انچارج رہے۔ اسے طرحاں بہت ساریاں سماجی ادارےآں جہناں وچ سینٹرل شوشل ویلفیئر بورڈ، بھارتی گرامین خواتین سنگھ،ایسوشیئیشن فار شوشل ہیلتھ،ورلڈ ایگریکلچر فیئر میموریال فارمرز ویلفیئر ٹرسٹ،انٹرنیشنل فیڈریشن جنیوا اتے سینٹرل انسٹیچیوٹ ریسرچ اینڈ ٹریننگ ان پبلک کوآپریشن وغیرہ دے چیئرپرسن جاں میمبر وی رہے۔ آپ 1964-67,78-82 راج سبھا دے میمبر اتے 67-71 پٹیالہ توں لوک سبھا دے میمبر رہے۔ آپ 1973 توں 77 تک انڈین نیشنل کانگرس دے جنرل سیکٹری رہے اتے پھر پارٹی چھڈکے جنتا دل وچ شامل ہو گئے تے پھر آپ تھوڑھا سماں 1977 وچ جنتا پارٹی دے جنرل سیکٹری وی رہے۔ اس ویلے آپ پریزیڈینٹ ایسوسی ایشن فار شوشل ہیلتھ ان انڈیا اتے سردار ولبھ بھائی پٹیل یادگار ٹرسٹ دے وی میمبر سن۔ 25 جولائی 2017 نوں 95 سال دی عمر وچ دل دا دورہ پین کارن موت واقع ہو گئی۔