مکویان گوریوچ مگ-29

مگ-29
Микоян-Гуревич МиГ-29
کم	ہر فن مولا لڑاکا جعاز
بنان آلا دیس	سوویت یونین
بنان آلی کمپنی	مکویان گوریوچ
پہلی اڈاری	6 اکتوبر 1977
فوج وچ پرتی	جولائی 1983
خاص ورتن آلے دیس	روس، بھارت، یوکرین
گنتی	1,600+

مکویان گوریوچ مگ-29 سوویت یونین دا بنایا چوتھی جینریشن دا جیٹ لڑاکا جعاز اے۔ اینوں مکویان بیورو نیں ہوا چ زور رکھن لئی ڈیزائن کیتا سی تے اس جعاز دا تے سو-27 دا کم نوے امریکی ایف-15 تے ایف-16 توں لڑنا سی۔ مگ-29 دا کم تے ہوا چ لڑائی سی مگر اوہ بمباری وی کر سکدا اے تے اکو پھیرے چ دو کم وی کر سکدا اے۔ مگ-29 دا ڈیزائن بوت چنگا سی اس لئی ایسے ڈیزائن دے اتے نوویاں شیواں لا کر اینوں چنگا کیتا گیا اے۔ مگ-29 دے ٹبر دے تین جعاز نيں: مگ-29M, مگ-29K تے مگ-35۔ ایناں ماڈلاں چ چنگے انجن، سکریناں آلی کاکپٹ، پائلٹ دی آسانی آلے کنٹرول، ہوا چ بالن پرن لئی سسٹم تے وڈی ٹینکی، چنگا ریڈار تے انفراریڈ سنسر لگے ہوۓ نیں۔

ٹھنڈی لڑائی دے وشکار چڑدے جرمنی نیں 24 مگ-29 لۓ، جدوں جرمنی کھٹا ہویا اوہ جعاز جرمنی کول ٹر گۓ۔ جرمنی نیٹو دا سنگی سی جدوں امریکی ہوائی فوج نال ٹریننگ ایکسرسائز ہوئی اونھاں نيں مگ-29 ایف-15 دے خلاف اڈاۓ۔ مگ-29 دے پائلٹاں کول ہیلمٹ توں نشانا لے سکدے سن جیدا مطلب سی کہ اوہ صرف ایف-15 نوں ویکھ کر میزائل فیئر کرسکدے سن جدوں کہ ایف-15 نوں مگ-29 ول منہ کرنا ہوندا سی۔ ایدے نال نال جرمنی کول روسی میزائل آۓ سن جیڑے جعاز دی نک توں 45 ڈگری دے فرق تے وی ٹر سکدے سن۔ اس طرح جرمنی نے اوناں نوں ہرا دتا۔ اس ایکسرسائز توں سکھ کہ جرمنی نے روس دی طرح دے میزائل بناۓ تے امریکی ہوائی فوج نے 2003 وچ ہیلمٹاں تے نشانہ لین دی ٹیکنالوجی لائی۔

بارلے جوڑ

• [۱] Archived 2011-06-08 at the وے بیک مشین