منی پلانٹ

منی پلانٹ
پچھان
دیس:	بوٹے
برادری:	پھلوالے بوٹے
ٹبر:	سٹا ٹبر
سائینسی ناں:	Epipremnum aureum

منی پلانٹ سٹا ٹبر دی اک ویل اے۔ ایہ نمیشی ویل اے تے گھراں تے ہور تھانواں وچ اگائی جاندی اے۔ ایہ پانی وچ رہ لیندی اے تے جڑاں کڈھ لیندی اے۔

وکھالہ

منی پلانٹ دی ویل 20 میٹر (66 فٹ) تک لمی ہوسکدی اے تے ایہدا تنا 4 سینٹی میٹر (2 انچ) موٹا ہوسکدا اے۔ ایہدی جڑ ہر پتے تھلیوں بن سکدی اے تے پتے اک دوجے دے سامنے نہیں ہوندے تے دل ورگے ہوندے نیں۔ پھل اک سٹے تے 23 سینٹی میٹر (9 انچ) لمے ہوندے نیں۔ ایہدے پتے تے چٹے یا پیلے نشان ہوندے نیں۔

اگائی

ایس نوں ایڈی بچاؤ دی لوڑ نہیں پیندی تے اسانی نال گھر وچ گملے تے بوتل وچ اگ پیندا اے۔ ایہ کسے رکھ نال وی اگایا جاسکدا اے تے فیر ایہدے پتے وی وڈے ہوندے نیں۔ ایہ بوتل وچ اک نکی ٹاہنی جیدے نال اک پتہ تے تھلے نکی جڑ دی نشانی ہووے نال وی اگایا جاسکدا اے۔ ایہنوں چانن والی تے چھاںوالی تھاں پسند اے۔ گھر وچ یا کمرے وچ جتھے چانن ہووے ایہ اسانی نال اگ پیندا اے۔

ایس نوں کھائیدا نہیں جے ایہ زریلا منیا گیا اے۔

منی پلانٹ دے وکھالے
پتہ	پتہ	گملے وچ

بارلے جوڑ

• سجری ہوا لئی