منجا

منجا رسیاں یا نواڑ پٹیاں ناݪ بُݨی ہوئی اک چوگاٹھ یا فریم اے جو چار پاوےآں، دو سیروےآں تے دو باہیاں اُتے مشتمل اک مستطیل شکل دا ٹعھانچا ہُندا اے، ایہ جنوبی ایشیا وچ انساناں دے لمبے پیݨ یا بیٹھݨ لئی ورتیا جاندا اے۔ ایہنوں کھاٹ یا چارپائی وی کہیا جاندا اے۔ پنجابی زبان وچ منجا کہیا جاندا اے۔

منجا

منجا

منجی

بݨاوٹ

منجا اک سادہ ڈیزائن اے جیہدی بݨائی تے بُݨتی سوکھی اے۔ ایہنوں روایتی طور تے لکڑی دی چوگاٹھ یا فریم نوں منج یا کیڑے دیاں رسیاں وٹ کے بُݨیا جاندا سی، پَر جدید منجےآں وچ لوہے دی چوگاٹھ بݨا کے اوہنوں پلاسٹک دی پٹی یا دھاگے دے واݨ ناݪ بُݨیا جاندا اے۔ منجے دی کسائی واسطے پیراں واݪے پاسے رسے دی دوݨ پائی جاندی اے۔

روایتی ڈیزائن دی بہت ساری تشریحات نیں، وقت دے ناݪ ناݪ کاریگراں نے بݨائی دے نمونیاں تے استعمال ہوݨ واݪے مواد دے ناݪ جدت طرازی کیتی اے۔ بݨائی کئی طریقیاں ناݪ کیتی جاندی اے، جِداں اک اخترن کراس بُݨتی۔ منجا کئی ڈیزائناں ناݪ نوکڑیا، چھیکڑیا تے چوکڑیا بُݨیا جاسکدا اے۔ بُݨݨ توں پہلاں چوگاٹھ وچ رسیاں دا مَل پایا جاندا اے جیہڑا منجے دی بُݨتی تے دوݨ دے وچاݪے ہُندا اے، ایہدے ناݪ سنگھیاں وِچوں دوݨ دی رسی گزار کے پیراں آݪے سیروے ناݪ وݪی جاندی اے، منجا ٹِعھلا ہوݨ اُتے دوݨ نوں کَس کے منجا کسیا جاندا اے۔

1300 دی دہائی وچ ابن بطوطا نے منجے دے بارے وچ بیان کیتا کہ "چار مخروطی لتاں ہُندیاں نیں جیہناں وچ لکڑی دے چار کراس پیس ہُندے نیں جیہنوں ریشم یا روں دیاں رسیاں ناݪ بُݨیا ہُندا اے۔ جد کوئی ایہدے اُتے پیندا اے تاں اوہنوں لچکدار بݨاؤݨ لئی کِسے چیز دی لوڑ نئیں پیندی، آپ ای نرم اے"۔

مورتاں

• 
• 
• 
• 
• 
•