ملک ارسلان بے

ملک ارسلان بے نے ، ذولقادر بیلیک ریاست تے سال 1454–1466 دے وچکار راج کیتا۔ اوہ سلیمان دا پتر اے۔ اس دے بعد اسدا بھرا شاہ بوداک بے گدی تے بیٹھیا ۔

اوہ ذولقادر بیلیک ریاست دے ستویں حکمران سن اتے ذوالقادر اوغلو سلیمان دے تیجے پتر سن ۔ 1454 وچ اپنے پیؤ دی موت دے بعد، اوہ ریاست دا حکمران بن گیا۔ اسدے ویلے وچ ،گوانڈھی کارامان بیلیک پاروں سلطنت عثمانیہ ، مملوک سلطنت تے آق قیونلو ریاست نال لڑائی شروع ہوئی۔ ہرپوت دا علاقہ آق قویونلو دے حکمران اوزون حسن نے کھو لیا اتے ریاست دے راجگڑھ ایلبستان مخالف فوج نے تباہ کر دتا سی ۔

ملک ارسلان ولوں مملوک سلطان مشکوک سی کہ اوہ عثمانی سلطان دے پاسے جان دا خواہش مند اے۔ اس پاروں مملوک سلطان کشکدام نے اسنوں مار دتے جان دا حکم دتا۔ ملک ارسلان نوں 1465 دے پتجھڑ وچ قتل کیتا گیا جدوں اون مسجد وچ عبادت کر رہیا سی ، اتے سلیمان دے اک ہور پتر، شاہبودک، نوں دی جگہ وچ حکمران بنا دتا گیا ۔

ملک ارسلان بے دا اک بیٹا، امیر اسلان بے سی ۔