قندھاری سرائیکی

سرائیکی افغانستان دے وڈے علاقے تے درگھری ہوئی ہے ۔ اے برما توں گھن کے ہندوستان ، افغانستان اتے وچکارلے ایشیا دے کئی ملکاں تک بولی تے سمجھی ویندی اے ۔

سرائیکی دا ناں اختیار کرن توں پہلے ایہہ اپنے علاقائی نانویں نال سنجانی ویندی ہئی ۔ انھیں نانویں وچوں ہک ناں ہندکی وی رہا۔ افغانستان دے کئی علاقیاں خصوصی طور تے جیندے وچ قندھار وی شامل اے ۔ پرانے ہندو سرائیکی دا قندہاری لہجہ بولدے نیں تے اینوں کہیں کہیں ویلے قندھاری وی اہدن ۔ افغانستان دی خراب صورت حال دی وجہ کنوں بہوں سارے ہندو قندھار توں افغانستان دے بنھیاں علاقیاں دے علاوہ دوجے ممالک وچ چلے گئے جیہناں اچوں جرمنی اتے نیدرلینڈ شامل ہن ۔

سرائیکی دا قندہاری لہجہ جینوں ہند قندہاری اہدن اج وی افغانستان دے سرائیکی لہجیں نال ملدے۔ اتھاں مختلف پہلوؤئیں دے حوالے نال کجھ مثالاں قندھاری دی گنتری ہِک کنوں سو تائیں بلکل ہکا اے ۔ جیڑی اج وی سرائیکی دے قندہار علاقے وِچ الائی ویندی اے

قندھاری دے فقرے دی بناوٹ اینویں ہے ۔ جیویں سرائیکی دی ہے ۔ ہک افغان ہندو جیڑا جرمنی وچ رہندے اتے مذکورہ افغان ویب سائیٹ دا مالک ہے اوندے نال فورم دے ذریعے رابطہ تھیا اتے میں اوں کولوں قندھاری دے وچ کجھ سرائیکی فقرے لکھن دا آکھیا۔ جیڑھے اوں لکھ بھیجے اَتے او ہن وی فورم تے موجو ہِن ۔ رومن رسم الخط وچ لکھے ہووے اُو قندھاری فقرے ایں ہن ۔ ’’ایہہ ہک گھوڑا ہے ۔ ایہہ چار پیر رکھدا ہے ۔ ایہہ وفادا ر جانور ہے ۔ ایہہ میڈا ہے ۔ میکوں پیارا لگدا ہے۔ ایندی قیمت ڈاہ ہزار روپے ہے اِتھوں اے ظاہر ہے جو قندھاری سرائیکی زبان دا قندہاری ہے

قندھاری وِچ سرائیکی دیاں مخصوص آوازاں وی موجود ہِن ۔ جیویں جواُتلے پیرے وچ ہک ڈوں آوازاں ڈٹھیاں ونج سگدن ۔

قندھاری تے سرائیکی دے مصدر بلکل ہکو جئیں ہِن ۔