لاکہیڈ یو-2

لاکہیڈ یو-2
بناݨ والا اصل دیس	امریکا
صانع	لوکہیڈ کارپوریشن
حصہ	طیاروں کی نسل
کل پیداوار	85
معلومات
آغاز خدمات	۱۹۵۷
پہلی پرواز	۱ اگست ۱۹۵۵
صارفین	امریکی ہوائی فوج
لمبائی	15.11 میٹر

لاکہیڈ یو-2 اک امریکی جسوسی جعاز اے۔ اے 1957 توں اج تک ورتیا جاریا اے۔ اے انہائی اچائی (70،000 فٹ) توں دن-رات جسوسی کر سکدا اے۔ اینوں ٹھنڈی لڑائی وچ جگ دیاں کئی تھاواں تے ورتیا گیا سی۔ اینوں امریکی ہوائی فوج، تائیواں ہوائی فوج، سی آئی اے تے ناسا اڈاندی اے۔ ٹھنڈی لڑائی وچ یو-2 سوویت یونین، چین، ویتنام تے کیوبا دی جسوسی کرن واسطے ورتیا جاندا سی۔ یو-2 اوناں امریکی جعازاں چوں اک اے جیڑے 50 وریاں توں زیادہ ویلے تک اپنا کم کر رۓ نیں، اس طرح دے ہور جعاز سی-130، بی-52 بمبار، کی سی-135 ٹینکر تے پی-3 نیں۔

یو-2 جسوسی جعازاں نوں 2 واری ٹھنڈی جنگ وچ مار دتا گیا سی، اک واری 1960 وچ سوویت یونین اتے تے اک واری 1962 وج کیوبا اتے۔ 1957 وچ امریکہ نے پاکستان دے شہر پشاور وچ یو-2 دا اڈا بنا لیا سی جیدے توں اوہ سوویت یونین دی جسوسی کردے سی۔ امریکی صدر روزویلٹ سوویت یونین نال پھڈا نا کرن واسطے یو-2 جسوسی جعازاں نوں برطانیہ دے پائلٹ اڈاندے سی تاکہ سارا ملبہ امریکہ تے نا آۓ تے جنگ نا ہوۓ۔ 2 واری براطنوی پائلٹ یو-2 نال سوویت یونین دی جسوسی کر کے آۓ تے صدر روزویولٹ نیں 2 ہور جسوسی مشناں دی اجازت سی آئی اے نوں دے دتی۔ مگر اس واری پائلٹ امریکی سن۔ اوناں وچوں پہلے جعاز دا سوویت یونین نوں اس ویلے پتہ چلیا جدوں اوہ 250 کلومیٹر اودی ہوا دے اندر سی مگر اوہ بچدیاں ایران اتر گیا۔ دوجی وار 1 مئی 1960 نوں امریکی پائلٹ گیری پاورز پشاور توں یو-2 وچ اڈیا۔ اونے سوویت یونین دے اتوں بلسٹک میزائلاں دیاں فوٹواں کھچ کے ناروے جانا سی۔ پچھلی اڈان تے روسیاں نے لڑاکہ جعازاں نال یو-2 مارن دی نکام کوشش کتی سی، یو-2 اپنی بوت اچائی دی وجہ توں بچ نکلیا سی۔ اس واری ایس اے - 2 میزائلاں نال یو-2 مار گرایا گیا۔

متعلقہ لیکھ

حوالے