لالریمسیامی

لالریمسیامی
مقام پیدائش	قصبہ آئیزول
وفات
قومیت	بھارتی

لالریمسیامی (جم 30 مارچ 2000) میزورام، بھارت دی پیشہ ور ہاکی کھڈارن اے۔ اوہ بھارتی قومی ٹیم لئی فارورڈ وجوں کھیڈدی اے۔ لالریمسیامی اٹھاراں میمبری ٹیم دا حصہ سی جس نے 2018 عالمی کپ وچ بھارت دی نمائندگی کیتی۔ اس توں بعد دیاں ایشیائی کھیڈاں وچ ٹیم ولوں چاندی دا تمغہ جتن توں بعد ایشیائی میڈل جتن والی مزورم دی پہلی کھڈارن بن گئی۔

فائل:Women's Gold Medal Match Hockey5s ARG-IND YOG18 14-10-2018 (082)۔jpg

اس نوں قومانتری ہاکی فیڈریشن ولوں سال 2019 دے ابھردے ستارے دا خطاب دتا گیا۔ لالریمسیامی ایہہ خطاب حاصل کرن

والی پہلی بھارتی عورت اے۔

نجی زندگی اتے پچھوکڑ

لالریمسیامی دا جم کولاسبّ قصبے دے اک کھیتی باڑی والے پروار وچ ہویا۔ ایہہ قصبہ آئیزول، مزورم توں لگبھگ 80 میل دور اے۔ اس دے پیؤ للتھانسنگ زوٹ اک کسان اتے اس دی ماں لازرماوی اک گھریلو عورت اے۔ 10 بھین-بھراواں وچو اک لالریمسیامی نے بچپن وچ ہی ہاکی کھیڈنی شروع کر دتی۔ جدوں اوہ 11 سال دی سی تاں اس نوں مزورم دی سرکار ولوں تھینزئوال وچ چلائی جان والی ہاکی اکیڈمی وچ شامل ہون لئی چنیا گیا۔ سال 2016 وچ اوہ دلی دی قومی ہاکی اکیڈمی وچ شامل ہوئی۔ اس ویلے دوران ہندی بولی نال جدوجہد کردیاں، ٹیم دے سہیوگیاں دی مدد نال بولی تے اپنی پکڑ بنائی۔ اس نوں ٹیم ولوں ‘سیامی’ آکھیا جاندا اے۔

پیشہ ور کامیابیاں

لالریمسیامی انڈر 18 بھارتی ٹیم دا حصہ سی جو سال 2016 وچ ایشیا کپ وی کھیڈی۔ اس نے ایشیئن یوتھ اولمپک کھیڈاں دے کوالیفائی وچ انڈر 18 دی نمائندگی کیتی، جس وچ اوہ دوجے تھاں تے رہی۔ لالریمسیامی نے پنج میچاں وچ ستّ گول کرکے ٹورنامینٹ پورا کیتا۔ اس نوں سینئر ٹیم وچ شامل کیتا گیا جو 2017 ایشیائی کپ وچ سونے دا تمغہ جتن لئی گئی۔ ایہہ بھارتی خواتین ہاکی ٹیم لئی بہت وڈی جت سی جو پورے 13 سالاں بعد اس ٹیم نے حاصل کیتی۔

لالریمسیامی نوں اس ٹیم وچ شامل کیتا گیا جس نے 2018 ایشیئن چیمپیئنز ٹرافی وچ حصہ لیا سی اتے دوسرا تھاں حاصل کیتا سی۔ اس نے 5 میچاں وچ کل 31 منٹ میدان وچ بنی رہی تے دو گول کیتے جس وچ اک اہم فائینل راؤنڈ روبن میچ وچ اک برابری کرن والا گول وی شامل سی۔ نتیجے وجوں اس نوں ٹورنامینٹ دا انڈر-21 ابھردا سٹار ایوارڈ دتا گیا۔ لالریمسیامی نوں پھر 2018 دے عالمی کپ لئی 18 میمبری ٹیم وچ 18 سال دی سبھ توں چھوٹی کھڈاری دے روپ وچ چنیا گیا ۔

اس توں بعد لالریمسیامی نوں عالمی کپ 2018 لئی 18 میمبری ٹیم وچ چنیا گیا سی۔ لیگ کھیڈاں وچ زبردست مظاہرہ توں بعد لالریمسیامی نے اٹلی دے خلاف کراسؤور میچ وچ ٹورنامینٹ دا پہلا تے اکلوتا گول کیتا۔ بھارت کارٹر فائینل وچ پہنچ کے ہار گئی اتے 8ویں تھاں تے رہی۔ اس توں پہلا بھارتی خواتین ہاکی ٹیم 1974 وچ عالمی کپ سیمیفائنل وچ پہنچی سی۔

لالریمسیامی نے عالمی کپ توں بعد ہوئیاں جکارتا ایشیائی کھیڈاں وچ 4 گول کیتے۔ پہلا گول انڈونیشیا خلاف گروپ پڑائ دی کھیڈ دے 24ویں منٹ وچ آیا تے اس دی ٹیم نے 8-0 نال جت درج کیتی۔ اس نے اگلے میچ وچ قزاقستان تے 21-0 نال ملی جت وچ اک ہیٹرک دتی جت دے انتر مطابق بھارت دا دوجا سرووتم تھاں رہا۔ چنگے مظاہرہ دے بعد اس دی ٹیم فائینل وچ جاپان توں 1-2 دے فرق نال ہار گئی تے بھارت نے چاندی دا تمغہ جتیا۔ اس دوران لالریمسیامی مزورم توں ایشیئن کھیڈاں وچ تمغہ جتن والی پہلی کھڈارن بن گئی۔

کھیڈاں دے اتہاس وچ پہلا موقع سی کہ اس سال بیونس آئرس یوتھ اولمپک دے پنج سائیڈ ایوینٹ وچ اس نے بھارت نوں چاندی دا تمغہ دوایا۔ لالریمسیامی نے مقابلے وچ 9 گول کیتے جس وچ آسٹریا، اروگوے اتے وینوآٹو خلاف بریس شامل سن۔

لالریمسیامی نے جنوری 2019 وچ سپین دے ٹور دوران اپنی ٹیم نوں 5-2 دے سکور نال جت دوائی۔

تمغے

انڈیا ایشیائی چیمپیئنز ٹرافی

چاندی دا تمگا- دوجا تھاں 2018 ڈونگائے شہر

ایشیائی کھیڈاں

چاندی دا تمگا-دوجا تھاں 2018 جکارتا

یوتھ اولمپک

چاندی دا تمگا- دوجا تھاں 2018 بیونس آئرس

حوالے