قل شریف مسیت

قل شریف مسیت روس دی ریاست تاتارستان دے راجگھر قازان چ واقع مسیت ہے جیہڑی روس دی سب توں وڈی مسیت ہے ۔ اس دے بارے اِچ ایہہ وی آکھیا جاندا ہے کہ ایہہ یورپ دی سب توں وڈی مسیت ہے ۔

ایہہ مسیت 16ویں صدی وچ قازان وچ تعمیر کیتی گئی ۔ دسیا جاندا ہے پئی اس مسیت دے مینار وی سن ۔ اس نوں روایتی وولگا بلغاریہ انداز اِچ تعمیر کیتا گیا سی اَتے یورپی نشاہ ثانیہ دے اولین دور اَتے عثمانی انداز وی ورتیا گیا سی 1552ء وچ خانان قازان( خانیٹ آف کازان) اَتے روسی زار ایوان گروزنی ( ایوان خوفناک) دی فتح اَتے سقوط قازان دے بعد روسیاں نے اس مجسد نوں شہید کر دتا اَتے اس دی تھاں اک گرجا بݨایا ۔ ایہہ مسجد قازان دی کریملن دے اندر واقع سی ۔ ماسکو دی کریملن وانگوں قازان دی کریملن وی ریاست خانان قازان دے حکمراناں دا دربار اَتے رہائش دا قلعہ بند محل سی ۔

تاتاری دانشوراں دا کہݨا ہے کہ قل شریف مسجد دیان چند جھلکیاں ماسکو چ قائم مشہور سینٹ باسل گرجے چ ویکھیاں جا سکدیاں نیں ، جنھاں وچ 8 مینار اَتے اک مرکزی گنبد شامل نیں جیہڑے روایتی روسی طرز تعمیر نال تعلق نِیہ رکھدے ۔

1996ء چ اس مسیت دی دوبارہ تعمیر دا آغاز ہویا جیہڑی جدید طرز تعمیر دی حامل ہے ۔ نویں مسجد دا افتتاح 24 جولائی 2005ء وچ ہویا ۔