فیزنٹ

فیزنٹ
دیس:	جنور
برادری:	کورڈیٹ
ٹولی:	پنچھی
ٹبر:	مور ٹبر
سائینسی ناں:	Phasianus colchicus

فیزنٹ مور ٹبر دا اک سوہنا تے عام شکار کیتا جانوالا پنچھی اے۔ ایہ ایشیاء دا واسی پر ہن دنیا دیاں کئی تھانواں تے تے ملدا اے۔

ناں

ایہدا ناں فیزنٹ کالے سمندر دے کنڈے تے وسدے اک نگر فسیس توں پیا اے۔

وکھالہ

نر فیزنٹ 70-90 سینٹی میٹر دا ہوندا اے۔ مادھ 55-70 سیٹی میٹر دی ہوندی اے۔ ایدا جوکھ 1/2 کلوگرام توں لے کے 3 کلو تک ہوندا اے۔ ایہدا سر تے تؤن لشکدے ہرے نیلے ہوندے نیں۔ اکھاں دے دوالے پراں توں بغیر پر گوڑے لال تے اکھاں دے تھلے پتلی چگہ پرانوالی ہوندی اے۔ مگر مالٹئی جیدے تے جٹے کالے نشان، پاسے پیلے کھٹے جیدے تے کالے چٹے نشان ہوندے نیں۔ نر دے آڈے تے مادھ بالکل رکھی پؤری لگدی اے۔

فیزنٹ
نر	مادھ	جوڑی

پسار

فیزنٹ کالے سمندر تے کیسپئین سمندر توں لے کے چڑھدے ول منگولیا، چین تے کوریا تک ملد اے۔ ایہ جنگلاں، کھیتاں، پانی والیاں تھانواں تے ملدا اے۔ ایہ اسانی نال پالیا جاسکدا اے تے ایس لئی دنیا دیاں کئی تھانوان تے ملدا اے۔