عبدالرزاق سمرقندی

کمال‌الدین عبدالرزاق بن اسحاق سمرقندی
جم	7 نومبر 1413   ہرات
وفات	سنہ 1482 (68–69 سال)  ہرات
شہریت	تیموری سلطنت
عملی زندگی
پیشہ	مورخ ،  لکھاری
پیشہ ورانہ زبان	فارسی
شعبۂ عمل	تاریخ نگاری

کمال‌الدین عبدالرزاق بن اسحاق سمرقندی , اک تیموری اتہاسکار اتے اسلامی ودوان سی۔ کجھ سمیں لئی فارس دے بادشاہ شاہ رخ دا شاہی سفیر رہا۔ سفیر دے طور تے اپنے کردار وچ اوہ 1440ویاں دے شروع وچّ لہندے ہندستان وچ کالیکٹ دا دورہ کیتا۔ اس نے کالیکٹ وچ جو دیکھیا اس دی وارتا لکھی جس توں کالیکٹ دے سماج اتے سبھیاچار بارے قیمتی جانکاری ملدی ہے۔ اس نے تیموری راج ٹبر اتے وسطی ایشیا وچّ اس دے پوروجاں دے اتہاس دی لمبی وارتا وی لکھی ہے۔ پر ایہہ بوہتی قیمتی نہیں ہے، کیونکہ اس وچوں زیادہتر پہلاں دیاں لکھتاں وچّ ملدی ہے اتے اسنے ایہہ مواد ہی اکتر ہی کیتا ہے۔

مڈھلا جیون

عبدالرزاق بن اسحاق ہرات وچّ 7 نومبر 1413 نوں پیدا ہویا سی۔ اس دا پیش جلال الدین اسحاق قاضی ہرات وچّ شاہ رخ دی عدالت دا امام سی۔ اس نے اپنے پیؤ اتے اپنے وڈے بھرا شریف الدین عبدالقہار توں علم حاصل کیتا اتے اوہناں دے نال سانجھے طور تے اک لائسنس شمس الدین محمد جزاری توں 1429 وچّ حاصل کیتا۔ 1437 وچ اس دے پیؤ دی موت دے بعد، اس نوں شاہ رخ دی عدالت دا قاضی تعینات کیتا گیا سی۔

یاترا اتے لیکھنی

عبدالرزاق فارس دے حاکم شاہ رخ، تیموری سلطنت دا بادشاہ دا کالی کٹ، ہندستان، وچّ جنوری 1442 توں جنوری 1445 تکّ سفیر سی۔ اس نے ہندستان دے اپنے اس مشن دی اک 45-پنیاں دی وارتا لکھی۔ ایہہ اس دی لگپگ 450 صفے دی کتاب مطلع السعدين ومجمع البحرين دا اک حصہ ہے۔ اس کتاب وچّ اسنے 1304 توں 1470 تکّ دنیا دے اپنے ولّ دے حصے دے اتہاس دا ویروے شامل کیتا ہے اتے جسدی بوہتا مواد ہورناں لکھتاں توں لئیا گئیا ہے۔

ہندستان دی اپنی یاترا دی عبدالرزاق دی وارتا وچّ زمورن تحت کالیکٹ دے جیون اتے گھٹناواں دی جانکاری شامل ہے اتے وجے نگر شہر دا اسدی دولت دا اتے وڈی شانوشوکت دا ذکر وی ہے۔ اس نے 15ویں صدی دے دوران بحر ہند وچّ جہازرانی وپار دا لیکھا وی اس وچّ دتا ہے۔

حوالے