صدرال
صدرال (پریزیڈیئم) (Presidium) کِسے سیاسی جماعت ، تنظیم ، کمپنی یا قانون ساز اسمبلی دی اندرلی مجلس یا ادارا ہُندا اے جیہڑا خاص افسراں یا مِمبراں اُتے مُشتمل ہُندا اے ۔ پریزیڈیئم یا صدرال دے مِمبر اجتماعی طور تے اپݨے کاروبار یا ذُما داریاں نبھاوندے نیں ۔
کمیونسٹ مُلکاں وچ پریزیڈیئم قانون ساز ادارے دی مستقل کمیٹی اے، جداں سوویت یونین وچ سپریم سوویت۔ سپریم سوویت دا پریزیڈیئم 1936 توں بعد موجود سی، جدوں سوویت یونین دے سپریم سوویت نے سینٹرل ایگزیکٹو کمیٹی دے متبادل دے طور تے سوویت یونین دی کانگریس دی جگہ لے لئی، جیہدی سربراہی "سینٹرل ایگزیکٹِو کمیٹی دا پریزیڈیئم" کردا سی ۔ ایہدی جگہ کلے سپریم سوویت دا پریزیڈیئم سی، کوئی سینٹرل ایگزیکٹو کمیٹی نئيں سی تے 1938 توں 1989 تک، سپریم سوویت دے پریزیڈیئم دا چیئرمین یو ایس ایس آر دے سربراہ مملکت دا رسمی عنوان سی ۔ سپریم سوویت نوں 1989 وچ متعارف کرایا گیا سی ۔ بعد وچ ایہدی جگہ مارچ 1990 وچ سوویت یونین دے صدر نے لے لئی سی ۔
صدرال دی اصطلاح ایس ویلے ڈیموکریٹک پیپلز ریپبلک آف کوریا (پریزیڈیئم آف دی سپریم عوامی اسمبلی) تے عوامی جمہوریا چین وچ (پریزیڈیئم آف دی نیشنل پیپلز کانگریس، نیشنل پیپلز کانگریس دی اسٹینڈنگ کمیٹی) وچ استعمال ہُندی اے ۔ پریزیڈیئم لئی چینی لفظ (主席团) تے قائما کمیٹی (常务委员会) اے ۔ ايسے طرحاں ورکرز پارٹی آف کوریا دی قیادت ورکرز پارٹی آف کوریا دے پولیٹ بیورو دے پریزیڈیئم دے کول اے جو 5 یا ایس توں کَعھٹ مِمبراں اُتے مشتمل اے ۔
جرمنی وچ بنڈسٹیگ دا پریزیڈیئم اک صدر اُتے مشتمل ہُندا اے، جو روايتی طور تے پارٹی دے سبھ توں وڈے گروپ دی نمائندگی کردا اے تے ہر پارٹی گروپ توں کَعھٹ توں کَعھٹ اک نائب صدر ہُندا اے ۔ ایہ مقننا دی روٹین انتظامیا لئی ذما دار اے ۔ جرمنی دے بنڈیسریٹ دی قیادت وی اک صدر تے 2 نائبین دی اک پریزیڈیئم کردی اے ۔ ایس توں پہلاں جرمن ریاستاں وچ وی پارلیممِنٹاں سی جیہناں دی سربراہی صدارتی مِمبران کردے سی ۔
غیر ریاستی تنظیم
سودھوسوشلسٹ انٹرنیشنل دا پریزیڈیئم اپݨے صدر نوں مشورا دیندا اے تے غور لئی سوالات تیار کردا اے ۔ فلیمش تے اسکینڈے نیویئن طلباء تنظیماں وچ پریزیڈیئم، تنظیماں دی انتظامیا وچ سارے چیئرمیناں لئی اک چھتری دی اصطلاح اے ۔