شینل
شینل ودیا فیشن دا اک فرانسیسی گھر اے جتھے ہر بندے دی مرضی دا، تیار پان نوں کپڑے، مینگیاں چیزاں تے فیشن دی لوڑ دیاں چیزاں بناندا اے۔ گیبریل بونہور شینل نے 1909 وچ ایدی نیو رکھی۔
کوکو شینل نے فیشن دا ول پلٹ جھڈیا. اوہدہ تیان عورت ول سی. اوہنے پرانے مینگے تے پارے کپڑیاں دی تھاں ساھ کپڑے دے گینے دا رواج پایا۔ ایدی خشبو شینل نمبر 5، کالی کرتی تے شین سوٹ ایدے مشہور مارکے نیں۔
کوکو شینل نے 1909 وچ پیرس وچ ٹوپیاں دی ہٹی کھولی اپنے اک بیلی ایٹائن بلسان دے کوٹھے دے تھلے اوتھے اوہدی ملنی کھاندے پیندے جنیاں زنانیں نال ہوگئی تے اوہدی ہٹی جل پئی۔ ایتھے ای اوہدی ملنی بلسان دے بیلی بواۓ کیپل نال ہوئی۔ نے اوہدے وچ کاروباری گن ویکھ کے اوہنوں 1910 وچ اک ہور تھاں تے دکان لیدتی۔1913 وچ کوکو زنانیاں دے کھیڈن والے کپڑے ویچن لگ گئی۔ 1915 تک شینل دے نویکلے ڈیزائن دے کپڑے پورے فرانس وچ مشہور ہوگۓ۔ 1921 وچ اوہنے شینل سوٹ ویچن لئی ہٹی تے رکھیا۔ اوہدے نال اوہنے اک کیمسٹ ارنسٹ بیو کولوں اک خشبو بنوائی جیدا ناں شینل نمبر 5 رکھیا گیا تے ایہ اوہنے اپنے گاہکاں نوں کپڑیاں نال مفت دتی۔ لوکاں نوں ایہ خشبو بڑی چنگی لگی۔ 1922 وچ ایہ وی اوہنے اپنی ہٹی تے رکھ لئی۔ اپنے کپڑیاں دی مانتا تے اوہنے اک گل بات وچ ہارپر بازار میگزین وچکیا:"سوہنپ دی روح سادگی اے۔"