شکور جھیل
شکور جھیل (Shakoor Lake) پاکستان تے کچھ دے وچاݪے سرحد تے واقع 300 مربع کلومیٹر رقبے اُتے محیط اک جھیل اے ۔ جغرافیائی لحاظ ناݪ شکور جھیل تھر پارکر دے صحراء تے رݨ کچھ دا اک حصا اے ۔ ایہ موسمی لوݨ دا اک وسیع دلدلی علاقا اے ۔ ایہ جھیل 16 جون 1819ء نوں رݨ کچھ وچ آؤݨ آݪے وڈے پیمانے دے زلزلے ناݪ اللہ بند دے وجود وچ آوݨ ناݪ نارا ندی دے جنوبی حصے دے بلاک ہوݨ اُتے بݨی سی ۔ دریائی سلھاب دے دوران شکور جھیل وچوں وادھو پاݨی کوری کریک وچ چلا جاندا اے ۔ رݨ کچھ، شکور جھیل وچ پاݨی ذخیرا کرن تے لوݨ کڈھݨ دے طریقےآں دی وجہ ناݪ مقامی ماحولیات تے ماحولیاتی نظام نوں نقصان پہنچیا اے ۔ جنگلی حیات، جنگلات تے مینگروو تباہ ہو رہے نیں تے مقامی ایکو سسٹم نوں خطرات لاحق نیں ۔
