سفید تحریک
سفید تحریک ، جس دی فوجی بانہہ ، سفید فوج کہلاندی سی ، سویت یونین دے شروع دے دور چ اونہاں روسی قوتاں دے مشتمل اک تحریک سی ، جہڑی انقلاب اکتوبر (انقلاب روس) دے مگروں سیاسی تے فوجی محاذ تے بالشویک دھڑےآں دے خلاف ہو گئیاں سن تے 1917ء توں 1923ء تک دی روسی خانہ جنگی چ لال فوج دے خلاف لڑدیاں رہئیاں ۔
مرکزی ہم آہنگی دی کمی پاروں سفید فوجاں دی حثیت کدے وی انقلاب مخالف دھڑےآں دے اک ڈھلے جہے اتحاد توں ودھ نئیں رہی ۔ اپنے آپ نوں بالشویک مخالف روسی محب وطن ظاہر کرن آلے سفید فوج دے عہدے دار تک وی واضع نظریاتی خیال نئیں رکھدے سن ۔ سفید فوج متحدہ کثیر القومی روس دی حامی سن تے پرانی روسی سلطنت دی تھاں قومی ریاستاں بنان آلے حلقےآں دے خلاف سن ۔ مغربی اتحاد تے مرکزی قوتاں تے دوجیاں بین القوامی طاقتاں ولوں مختلف موقعےآں تے سفید تحریک دی فوج نوں مد د دتی جاندی رہی تے اس لئی اشتراکیاں نے سفید فوج نوں باہرلیاں طاقتاں دے مفاد دا نمائندہ قرار دتا ۔