زیب النساء (ڈراما)
زیب النساء (ڈراما) | |
---|---|
لکھاری | عذرا بابر |
ہدایت کاری | ساحرہ کاظمی |
دیس | پاکستان |
بولی | اُردو |
قسطاں | 13 |
پروڈکشن | |
پروڈیوسر | ساحرہ کاظمی |
ریلیز | |
اصل نیٹورک | پی ٹی وی |
اصل ریلیز | 4 اگست 2000 – 3 نومبر 2000 |
زیب النساء اک پاکستانی ٹیلی ویژن سلسلے وار ڈراما اے جیہدی ہدایت کاری ساحرہ کاظمی نے کیتی، جو عذرا بابر دے سکرپٹ اُتے مبنی اے تے پہلی وار پی ٹی وی اُتے 4 اگست 2000 توں 3 نومبر 2000 تک نشر ہویا۔ ایہ گھریلو تشدد دے موضوع اُتے مرکوز اے۔
پلاٹ سودھو
زیب النساء ڈراما، زیبی (زیب النساء) (ندا کاظمی) دے دواݪے کعھمدا اے، زیبی دیاں دو پعھیݨاں تے اک پعھراء اے، زیبی ویاہی ہوئی اے، اوہدا شوہر محمود (عدنان صدیقی) بے روزگاری توں پریشان اے تے اوہ زیبی ناݪ لَڑدا چعھگڑدا رہندا اے۔ دونے کرائے دے فلیٹ وچ رہ رہے نيں۔ چند سال پہلاں صباء (ثانیہ سعید) اپݨے بے روزگار تے نشئی شوہر فاروق ناݪ اوسے فلیٹ وچ رہندی سی جِتھے زیبی رہندی اے۔ صباء دا شوہر اوہدے توں پیسے مَنگدا رہندا سی پَر اک دن اوہنے انکار کر دتا، فاروق نے غصے وچ آ کے صباء نوں اگ لا کے جݪا کے مار دِتا جدوں اوہ حاملہ وی سی۔ کچھ سال بعد زیبی تے اوہدا شوہر محمود اوہناں دے فلیٹ وچ رہݨ لگ گئے۔ صباء دی روح انسانی شکل وچ زیبی نوں مِلݨ آؤندی رہندی اے پَر زیبی نوں احساس نئيں کہ اوہ کِسے مردہ عورت دی روح ناݪ مݪ رہی اے۔ جس طرحاں صباء دی ناخوشگوار شادی شدہ زندگی گُزری اوسے طرحاں اس فلیٹ وچ زیبی دی زندگی وی ناخوش رہݨ لگ گئی۔ اک دن اوہدے شوہر محمود نے اوہنوں کُٹیا ماریا، جیہدے ناݪ اوہدا حمل ضائع ہوگیا تے زیبی اوہنوں چَھڈ کے اپݨے ماں باپ دے کعھر چلی گئی۔ محمود بعد وچ اپݨی بیوی دے وکھ ہوجاݨ تے اوہدے حمل ضائع ہوݨ اُتے افسوس کردا اے۔ ڈرامے وچ اس توں علاوا علی (آدرش ایاز)، عمران (اسد اعظمی)، صوفیا (سبین جویری)، حِنا (مریم شاہ)، سِطوت آپا (صفیہ خیری) تے زیبی دے والد (آغا جعفر) تے والدہ (ساجدہ سید) دے وی کردار نيں۔
کاسٹ سودھو
- ندا کاظمی بطور زیبی
- عدنان صدیقی بطور محمود
- آدرش ایاز بطور علی
- زیبا اکبر بطور سلما
- مریم احمد بطور عائشہ
- آغا جعفر بطور زیبی دا والد
- ساجدہ سید بطور محمودہ
- محب مرزا[۱] بطور عامر
- اسد اعظمی بطور عمران
- مریم شاہ بطور حِنا
- سبین جویری بطور صوفیا
- داور نواز خان بطور صوفیا دا والد
- منیزہ قدوائی بطور ثمینہ
- قیصر نقوی بطور مِسز خان
- سیفی حسن بطور احسان
- صفیہ خیری بطور سِطوت آپا
- عبیدہ انصاری بطور روبینہ
- نعیم صدیقی بطور فاروق
- ثانیہ سعید[۲] بطور صباء
موسیقی سودھو
اس ڈرامے لئی احمد فراز دی لکھی ہوئی نظم 'خواب مرتے نہیں' دی موسیقی ارشد محمود نے ترتیب دِتی تے نیرہ نور نے ایہنوں گایا۔
خواب مرتے نہیں (نیرہ نور) |
---|
خواب مرتے نہیں خواب دل ہیں نہ آنکھیں نہ سانسیں کہ جو |
حوالے سودھو