دیوار گریہ

یروشلم وچ یہودیاں دا اک مقدس تھاں

دیوار گریہ اسنوں مغربی کندھ وی آکھیا جاندا اے ۔ ایہہ قدیم شہر یروشلم چ واقع یہودیاں دی اہم مذہبی یادگار اے ۔ یہودیاں دے بقول 70ء دی تباہی توں ہیکل سلیمانی دی اک کندھ دا کجھ حصہ بجیا ہوئیا اے ، جتھے 2 ہزار سال توں یہودی زائر آکے روئیا کردے سن تے اس لئی اس نوں دیوار گریہ کہیا جاندا اے ۔ جدوں کہ اسنوں دیوار براق وی آکھدے نیں ۔

دیوار گریہ ، جتھے آ کے رونا یہودیاں دے نیڑے مذہبی فرضاں چوں اک اے

یہودی نقطہ نظر سودھو

یہودی مذہب دے مطابق ایہہ کندھ مقدس معبد دی باقیات چوں اے تے اس لئی یہودیاں دے مقدس مقامات چوں اک اے ۔ ایہہ یہودیاں لئی زیارت گاہ اے تے اس دے نیڑے یہودیاں دا مقدس ترین سائناگوگ اے ، جس نوں " بنیادی پتھر" آکھیا جاندا اے زیادہ تر یہودی ربیآں دا خیال اے کہ اس پتھر تے کوئی یہودی پیر نئیں رکھ سکدا تے جہڑا ایہہکم کرے گا اوہ عذاب دی گرفت چ آ جائے گا ۔ بہت سارے یہودیاں دے مطابق اوہ تریخی چٹان جس تے قبضۃ الصخرۃ واقع اے ، مقدس بنیادی پتھر اے ۔ جدوں کہ کجھ یہودیاں دا عقیدے دے مطابق ایہہ مقدس بنیادی پتھر دیوار گریہ دے بالکل مخالف سمت چ واقع الکاس چھمبر دے نیڑے اے تے جدوں مقدس معبد قائم سی ایہہ مقدس ترین مقام سی ۔ یہودی روایات دے مطابق دیوار گریہ دی تعمیر حضرت داؤد علیہ سلام نے کیتی سی تے موجودہ دیوار گریہ اوسے کندھ دیاں بنیاداں تے قائم کیتی گئی سی ، جس دی تریخ ہیکل سلیمانی نال جا ملدی اے ۔

اسلامی نقطہ نظر سودھو

 
کجھ مسلمان اس کندھ نوں مسجد اقصی دا حصہ وی قرار دیندے نیں

مسلمان اس کندھ نوں دیوار براق کہندے نیں ۔ دو وجہاں توں مسلمان اس کندھ نوں مقدس کہندے نیں ۔ پہلی ایہہ کہ اس دیوار نوں معراج النبی صلی اللہ علیہ و آلیہ وسلم نال نسبت اے ۔ شب معراج حضور پاک صلی اللہ علیہ و آلیہ وسلم دی براق ایتھے آکے رکی سی ۔