دریائے حب
| دریائے حب | |
|---|---|
 | |
  | |
| مُلک | پاکستان |
| صوبے | بلوچستان، سندھ |
| شہر | حب کراچی |
| طبعی خصوصیات | |
| بنیادی ماخذ | 27°22′50.79″N 66°35′14″E / 27.3807750°N 66.58722°E |
| دریا دا دھانہ | بحیرہ عرب |
دریائے حب (انگریزی: Hub River) ضلع حب، بلوچستان، پاکستان وچ واقع اک دریا اے۔ ایہ جنوب مشرقی بلوچستان وچ پب رینج توں شروع ہُندا اے تے سندھ دی سرحد توں ہُندا ہویا حب پہنچ کے بحیرہ عرب وچ جا گِردا اے۔ دریائے حب جھالاوان دے پنڈ زہری دے نزدیک پہاڑاں وِچوں نِکݪدا اے تے ایہ کراچی تے ضلع حب دی سرحد دے ناݪ 60 میل تک وَگدا اے تے کیپ ماؤنز کوݪ بحیرہ عرب اُتے ختم ہُندا اے۔ ایہدے کنارے کافی بلندی اُتے نیں جو سبزے ناݪ ٹعھکے ہوئے نیں۔ برساتی شاخاں سارونا، سموتری تے ویرا بارش دا پاݨی لجاندیاں نیں۔ دریائے حب دی کُل لمبائی 134 کلومیٹر اے۔
اس دریا اُتے 1981ء وچ کراچی دے شمال ول حب ڈیم بنایا گیا سی جیہڑا پاݨی دا وڈا ذخیرا کردا اے۔ اس ڈیم توں ضلع حب دے کھیتاں نوں تے کراچی نوں پیݨ واسطے پاݨی فراہم کیتا جاندا اے۔
حوالے
سودھو پاکستان دے دریا